មន្ត្រីនគបាលប្រឆាំងបទ ល្មើសសេដ្ឋកិច្ចក្រសួងពាក់ព័ន្ធបទល្មើសប្រើអំហឹង្សាលើអ្នកសាព័ត៌មាន
15-May-2016 | ដោយ មែន កំសត់
ខេត្តរតនគីរីៈ អ្នកសាព័ត៌មានម្នាក់ ត្រូវមន្ត្រីនគរបាលប្រឆាំងបទល្មើសសេដ្ឋកិច្ចក្រសួង ប្រើអំពើហឹង្សាដល់ផ្ទះ ខណៈអ្នកសាព័ត៌មានរូបនោះ បានចុះផ្សាយ ពីទង្វើខុសច្បាប់របស់ខ្លួន។
អ្នកសារព័ត៌មាន យុវជនខ្មែរព័ត៌មាន ប្រចាំខេត្តរតនគីរី ម្នាក់ឈ្មោះ យ៉ន ទិត្យ ហៅ ទិត្យឥសាន្ត ត្រូវលោក ចាន់ សារឿន ជាមន្ត្រីនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ ដែលចុះបេសកម្មប្រចាំខេត្តរតនគីរី ប្រើអពើហឹង្សា មកវាយដល់ផ្ទះ នៅវេលាម៉ោង ៦.៤៥ នាទី ព្រលប់ថ្ងៃទី ១១ ខែ ឧសភា ឆ្នាំ២០១៦ ខណៈអ្នកសារព័ត៌មានរូបនោះ ចុះផ្សាយពីក្រុមហ៊ុនធ្វើអាជីវកម្មរ៉ែមាស អត់ច្បាប់ នៅភូមិ ដាល ឃុំ ញ៉ាង ស្រុក អណ្ដូងមាស ខេត្តរតនគីរី នៅទន្លេសេសាន្ត ថាលោក ចាន់ សារឿន ជាអ្នកកាងអាជីវកម្មធ្វើរ៉ែមាសខុសច្បាប់នោះ។
លោក យ៉ន ទិត្យ អ្នកយកព័ត៌មាន យុវជនខ្មែរព័ត៌មាន បានអោយដឹងថា កាលពីថ្ងៃទី១១ ខែឧសភា ឆ្នាំ២០១៦ លោកបានចុះផ្សាយពីភាព អសកម្មរបស់ជំនាញរ៉ែ និងថាមពល និងការឃុបឃិត ជាលក្ចណៈប្រព័ន្ធ រវាងអាជ្ញាធរពាក់ព័ន្ធ និង ក្រុមឈ្មួញល្មើសច្បាប់។ ដល់ល្ងាចថ្ងៃដដែលលោក ចាន់ សារឿន បើកឡានដល់ផ្ទះលោក យ៉ន ទិត្យ ហៅចេញមកក្រៅ និយាយពីរបីមាត់ក៏ ស្ទុះមកវាយតែម្ដង ។
ជុំវិញករណីប្រើអំពើហឹង្សាខាងលើនេះ លោក ចាន់ សារឿន មន្ត្រីនគរបាលប្រឆាំងបទល្មើសសេដ្ឋកិច្ចក្រសួង មិនអាចសុំការបំភ្លឺណាមួយបានទេ កាលរសៀលថ្ងៃទី១២ ខែ ឧសភា ឆ្នាំ២០១៦ នេះ ដោយទូរស័ព្ទ្ទចូលហើយមិនមានអ្នកលើក (លេខទូរស័ព្ទលោក ចាន់ សារឿន ០៩៧៩៦៦៥៦៦៦)។
អាជីវកម្មរ៉ែមាសដែលពាក់ព័ន្ធ និងលោក ចាន់ សារឿន ត្រូវគេស្គាល់ថា ជារបស់លោក គីង វណ្ណៈ ជាមន្ត្រីនគបាល ដែលមានតួនាទីធំ នៅក្រសួងមហាផ្ទៃ។ អាជីវកម្មនេះ ស្ថិតនៅមាត់ទន្លេសេសាន្ត ភូមិ ដាល ឃុំញ៉ាង ស្រុកអណ្ដូងមាស ខេត្តរតនគីរី។ បានដាក់គ្រឿងចក្រ ជីកកកាយច្រាំងទន្លេ និង ទប់ទំនប់កាត់ទន្លេ ដើម្បីទៅជីកកកាយដឹកយកដីរ៉ែ ពីត្រើយម្ខាងទៀត ជាច្រើនខែមកហើយ តែលោក ផាត់ សម្បត្តិ អភិបាលស្រុកអណ្ដូងមាសស្ដីទី បានត្រឹមបញ្ជាក់ថា អត់ច្បាប់ ក៏ប៉ុន្តែអាជីវកម្មនោះនៅតែធ្វើសកម្នភាពដដែល។ រហូតដល់ថ្ងៃទី១២ ខែ ឧសភា ឆ្នាំ២០១៦ កន្លងមកនេះ ទើបលោក ហ៊ុន ប៊ុនថាន ប្រធានមន្ទីរ រ៉ែ និង ថាមពលខេត្តរតនគីរី ធ្វើជាភ្ញាក់ខ្លួន ដឹកនាំកម្លាំងចុះទៅត្រួតពិនិត្យ និង ធ្វើកំណត់ហេតុ ។
គួរបញ្ជាក់ថា ក្រុមអ្នកសាព័ត៌មានប្រចាំខេត្តរតនគីរី នៅតែព្រឺរងារ ចំពោះជនរកស៊ីល្មើសច្បាប់ តែងតែ ប្រើអំពើហឹង្សា មកលើអ្នកសាព័ត៌ ជាច្រើនលើកច្រើនសារ ហើយអ្នកសារព័ត៌មាន បានដាក់ពាក្យបណ្ដឹងចូលសាលាដំបូងខេត្ត។ តែហាក់ដូចជា មានការយឺតយ៉ាវ និង ហាក់ដូចជាពុំមានដំណោះស្រាយណាមួយឡើយ ដូចជាករណីឈ្មួញដឹកឈើវាយរថយន្តអ្នកសារព័ត៌មាន កាលពីថ្ងៃទី១៥ ខែ សីហា ឆ្នាំ២០១៤ និងករណីឈ្មួញរកស៊ីដឹកឈើប្រណិតល្មើសច្បាប់ បើករថយន្តកៀរ រថយន្តអ្នកសារព័ត៌មាន ទំលាក់ពីលើថ្នល់មិនបានសម្រេច ហើយចុះមកក្របួចកអាវវាយ កាលពីថ្ងៃទី១០ ខែមេសា ឆ្នាំ២០១៦ រហូតដល់ពេលនេះ នៅមិនទាន់មានដំណោះស្រាយ និងរកយុត្តិធម៌ នៅឡើយទេ។
ចំនួនអ្នកទស្សនា
- ថ្ងៃនេះ7271
- ម្សិលមិញ20231
- សប្តាហ៍នេះ86351
- ខែនេះ108231
- ឆ្នាំនេះ108231
- សរុប20550687