ឡានបើកបុក អ្នកជិះម៉ូតូទាំងកំរោល នាំឲ្យបងប្អូនភ្លោះ ២នាក់ ស្លាប់ក្នុងពេលតែមួយ
15-May-2016 | ដោយ មែន កំសត់
ខេត្តកំពង់ស្ពឺ ៖ បុរស ២នាក់ ត្រូវជាបងប្អូនភ្លោះ បានស្លាប់ភ្លាមៗ នៅកន្លែងកើតហេតុ ដោយសាររថយន្ត កាមរី មួយគ្រឿង បើកបុកពីមុខពេញទំហឹង ខណៈជនរងគ្រោះ កំពុងបើកម៉ូតូ កាលពីវេលាម៉ោង ១៧និង២០ នាទី ថ្ងៃទី១៣ ខែឧសភា ឆ្នាំ២០១៦ តាមបណ្តោយ ផ្លូវជាតិលេខ៤ ចន្លោះគីឡូម៉ែត្រ លេខ៣៤-៣៥ ត្រង់ចំណុចភូមិទួលព្រិច ឃុំត្រពាំងគង ស្រុកសំរោងទង ខេត្តកំពង់ស្ពឺ។
សមត្ថកិច្ចបានប្រាប់ឲ្យដឹងថា មុនពេលកើតហេតុ មានរថយន្តមួយគ្រឿង ម៉ាកកាមារី ពណ៌ស្លែ ពាក់ស្លាកលេខ ភ្នំពេញ 2A-8359 បើកបរដោយឈ្មោះ សុទ្ធ សម ភេទប្រុស អាយុ ៤៤ឆ្នាំ រស់នៅភូមិគោកភ្នៅ ឃុំវល្លិសរ ធ្វើដំណើរពីលិចទៅកើត មកដល់ចំណុចខាងលើ បានបុកម៉ូតូមួយគ្រឿង ម៉ាកហុងដា សេ១២៥ ស៊េរី២០១១ ពណ៌ខ្មៅ ពាក់ស្លាកលេខ ភ្នំពេញ 2Q-4260 បើកបរដោយឈ្មោះ ឆាង រី ភេទប្រុស អាយុ ២៤ឆ្នាំ រស់នៅភូមិស្រែអំបិល ឃុំត្រពាំងគង ស្រុកសំរោងទង និងអ្នករួមដំណើរ ឈ្មោះ ឆាង រួន ភេទប្រុស អាយុ ២៤ឆ្នាំ រស់នៅភូមិឃុំជាមួយគ្នា (ត្រូវជាបងប្អូនភ្លោះ) បណ្តាលឲ្យស្លាប់ ទាំង ២នាក់ តែម្តង៕
ចំនួនអ្នកទស្សនា
- ថ្ងៃនេះ9031
- ម្សិលមិញ20231
- សប្តាហ៍នេះ88111
- ខែនេះ109991
- ឆ្នាំនេះ109991
- សរុប20552447