សិស្សសំណព្វលោកគ្រូថាំង ចេង ចាប់រំលោភនារីខ្មែរម្នាក់
17-May-2016 | ដោយ មែន កំសត់
រាជធានីភ្នំពេញ ៖ បុរសម្នាក់ឈ្មោះ ឡុង វណ្ណសុក្រិត ហៅ អ៊ូ ខុង អាយុ២៤ឆ្នាំ បានត្រូវសមត្ថកិច្ចឃាត់ខ្លួន ក្រោយធ្វើសកម្មភាពចាប់រំលោភនារីម្នាក់មិនបានសម្រេចកាលពីរំលង អធ្រាត្រឈានចូលថ្ងៃទី១៦ ឧសភា ២០១៦ នៅចំណុចផ្ទះជួល ខាងក្រោយភោជនីយដ្ឋានថ្មីដា ស្ថិតក្នុងសង្កាត់មនោរម្យ ខណ្ឌ៧មករា ។
បើតាមអ្នកឆ្លើយឆ្លងនៅក្បែរ បានឲ្យដឹងថា នៅមុនពេលកើតហេតុ នារីរងគ្រោះអាយុ២០ឆ្នាំ ត្រឡប់មកពីធ្វើការនៅភោជនីយដ្ឋានមកផ្ទះវិញ ដោយឡើងតាមជណ្ដើរ ស្រាប់តែជនសង្ស័យឡើងតាមពីក្រោយ ក៏បានចាប់នារីរងគ្រោះស្រាតសំពត់ ភ្លាមនោះនារីរងគ្រោះក៏ស្រែកឲ្យអ្នកជិតខាងជួយ ធ្វើឲ្យជនសង្ស័យភ័យពេក រត់គេចខ្លួន លុះដល់ម៉ោង១០ព្រឹកថ្ងៃចន្ទនេះ ជនសង្ស័យត្រូវបាននារីរងគ្រោះប្រទះឃើញ នៅចំណុចភោជនីយដ្ឋានថ្មដា ក៍រាយការណ៍ទៅសមត្ថកិច្ចឃាត់ខ្លួនតែម្តង ។
បច្ចុប្បន្ន ជនសង្ស័យ អ៊ូ ខុង បានត្រូវសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងចាត់ការបន្ត ៕
ចំនួនអ្នកទស្សនា
- ថ្ងៃនេះ11671
- ម្សិលមិញ20231
- សប្តាហ៍នេះ90751
- ខែនេះ112631
- ឆ្នាំនេះ112631
- សរុប20555087