បុរសម្នាក់ប្រពន្ធឈឺយកមកព្យាបាលនៅមន្ទីរពេទ្យ អត់លុយដឹកទៅវិញ ស្លាប់តាមផ្លូវ
20-May-2016 | ដោយ មែន កំសត់
ភ្នំពេញ៖គ្រួសារក្រីក្រមួយពេលប្រពន្ធមានជំងឺ ធ្ងន់ធ្ងរបានដឹកយកមកព្យាបាលនៅមន្ទីរពេទ្យភ្នំពេញ។តែដោយគ្មាន ប្រាក់បង់ថ្លៃព្យាបាលរូបគេត្រូវបានក្រុមគ្រូពេទ្យបញ្ជារឲ្យដឹកយក ប្រពន្ធចេញពីមន្ទីរពេទ្យមួយទៅមន្ទីរមួយទៀតខណ:ពេលក្រុមគ្រូពេទ្យ ទាំងនោះដឹងថាជនរងគ្រោះគ្មានប្រាក់បង់ថ្លៃសេវាព្យាបាល។ទីបំផុត ក្រុមគ្រួសារស្ត្រីរងគ្រោះគ្មានសង្ឃឹមដោយឃើញអាការ:ប្រពន្ធកាន់តែ ធ្ងន់ធ្ងរៗទៅក៏ហៅរថយន្តពេទ្យឲ្យដឹកត្រឡប់ទៅស្រុកណើតវិញ។
ប៉ុន្តែខាងឡានពេទ្យទារថ្លៃដឹកដល់ទៅ១៨០ដុល្លារពួកគាត់គ្មានលុយ ក៍ហៅរថយន្តឈ្នួលដឹកក្នុងតំលៃ៩៥ដុល្លារ។លុះដឹកមកដល់មុខវត្ត ខ្ទរឃើញមិនស្រួលតៃរថយន្តឈ្នួលឈប់រថយន្តទម្លាក់ប្តីប្រពន្ធចុះ និងទាលុយ២០ដុលា្លរបានប្រហែលប្រាំនាទីជាអកុសលស្ត្រីរងគ្រោះ បានស្លាប់បាត់បង់ជីវិត។ហេតុការណ៍ភ្ញាក់ផ្អើលរហូតឮដល់លោកចៅសង្កាត់ ព្រែកលៀបហើយលោកចៅសង្កាត់ព្រែកលៀបបានជួយអន្តរាគមន៍ស្វះស្វែងរក រថយន្តនិងចេញថ្លៃឈ្នួលដឹកសពដល់ស្រុកកំណើតនៅខេត្តកំពុងចាម។សាក្សី បានឲ្យដឹងថាប្តីឈ្មោះសំរិទ្ធបូរីអាយុ៣៨ឆ្នាំមានទីលំនៅភូមិមករា ឃុំបុសខ្នុរស្រុកចំការលើខេត្តកំពង់ចាមស្ត្រីរងគ្រោះរហូតបាត់បង់ ជីវិតឈ្មោះដែនវណ្ណេតអាយុ៣៥ឆ្នាំមានស្ថានភាពជីវភាពក្រីក្រ។
ក្រោយពីស្លាប់បានបន្តិចហេតុការណ៍បានឮដល់លោកព្រាបមុនីចៅសង្កាត់ ហើយលោកក៍បានជួយជ្រោមជ្រែងចាត់ចែងរកកម្លាំងប្រជាការពារនិង ប្រជាពលរដ្ឋយើងហើយបានរកអាចារ្យនិនិមន្តព្រះសង្ឃមកសូត្រមន្ត ព្រមទាំងជួយដឹកសពយកពីលើចិញ្ចើមផ្លូវមកដាក់ក្នុងបច្ឆាវត្តខ្ទរ ហើយបានចេញថ្លៃឡានពេទ្យដឹកសពយកទៅឯស្រុក១៣០ដុល្លារ និងជួយឧបត្ថម្ភអាចារ្យសរុបអស់១៥០ដុល្លារជាថវិការបស់លោកចៅសង្កាត់ ៕
ចំនួនអ្នកទស្សនា
- ថ្ងៃនេះ12141
- ម្សិលមិញ20231
- សប្តាហ៍នេះ91221
- ខែនេះ113101
- ឆ្នាំនេះ113101
- សរុប20555557