នគរបាលរាជធានីភ្នំពេញបង្ហាញមុខជនសង្ស័យជាង១០នាក់ពាក់ព័ន្ធនឹងករណីប្លន់
21-May-2016 | ដោយ មែន កំសត់
ភ្នំពេញ៖ជនសង្ស័យប្រុសស្រីជាង១០នាក់ ដែលពាក់ព័ន្ធនឹងអំពើប្លន់និងទទួលផលចោរកម្មត្រូវបានប៉ូលិសនៃ ស្នងការរាជធានីភ្នំពេញបង្ហាញមុខជាសាធារណៈនៅរសៀលថ្ងៃទី២០ខែឧសភាឆ ឆ្នាំ២០១៦ បន្ទាប់ពីកម្លាំងប៉ូលិសការិយាល័យព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលខណ្ឌចំការមន ខណ្ឌមានជ័យ និង ខណ្ឌពោធិ៍សែនជ័យស្រាវជ្រាវឈានដល់ការឃាត់ខ្លួនបានជាបន្តបន្ទាប់
កាលពីថ្ងៃទី១៨ខែឧសភាឆ្នាំ២០១៦នៅចំណុចផ្សេងៗគ្នាក្នុងរាជធានីភ្នំពេញ ។
លោក វរ:សេនិ៍យឯកអេងសោភានាយការិយាល័យព្រហ្មទណ្ឌកម្រិតធ្ងន់នៃ ស្នងការដ្ឋាននគរបាលរាជធានីភ្នំពេញបានឲ្យដឹងថាជនសង្ស័យចំនួន១៣នាក់ ដែលមានឈ្មោះម៉នសុជាតិអាយុ១៩ឆ្នាំ,ឈ្មោះខាត់សភាហៅប៉ុងអាយុ១៩ ឆ្នាំ,ឈ្មោះឳវិសារហៅសាអាយុ១៨ឆ្នាំ,ឈ្មោះ ឆយ សុវណ្ណម៉ូលីហៅប៉ូលីអាយុ១៩ឆ្នាំ,ឈ្មោះ ជំនិត សុខះឧត្តមសំណាង ហៅ ណាង អាយុ២៣ឆ្នាំ,ឈ្មោះទៀងចិត្រា អាយុ១៨ឆ្នាំ,ឈ្មោះ អ៊ុង មាសអាយុ២១ឆ្នាំ,ឈ្មោះគៀងផាយុទ្ធអាយុ២៥ឆ្នាំ,ឈ្មោះគុយសារះ ថងហៅថងអាយុ១៨ឆ្នាំ,ឈ្មោះស៊ីមវណ្ណឌីហៅឈៀងអាយុ៤៤ឆ្នាំ,ឈ្មោះ នុតនិមលហៅបុលអាយុ៤២ឆ្នាំ,ឈ្មោះហុងសង់ទីនអាយុ២៥ឆ្នាំ, និងឈ្មោះ ផុលអុន ភេទស្រីអាយុ៣៥ឆ្នាំមុខរបរគូជេររថយន្ត។
លោក បានបន្តថាការឃាត់ខ្លួនជនសង្ស័យទាំង13នាក់ខាងលើនេះសមត្ថកិច្ចបាន រឹបអូសម៉ូតូ6គ្រឿងដែលជាមធ្យោបាយសធ្វើសកម្មភាពរួមនិងឧបករណ៍ សម្រាប់ប្រព្រឹត្តបទល្មើសមួយចំនួនទៀត។ វត្ថុតាងដែលជាមធ្យោបាយធ្វើសកម្មភាពរួមមាន អាវុធខ្លី1ដើមម៉ាករ៉ូឡូព៏ណ ស មានលេខ5160គ្រាប់ចំនួន12គ្រាប់ វិទ្យុទាក់ទង់ចំនួន02គ្រឿង ខ្នោះដៃចំនួន01 ដំបងឆក់ចំនួនមួយ។
លោក វរ:សេនិ៍យឯកអេងសោភាបានបន្តថាជនសង្ស័យទាំងអស់គឺជាក្រុមជនសង្ស័យ ដែលតែងតែធ្វើធ្វើសកម្មភាពប្រើដាវសាម៉ូរ៉ៃនិងកាំបិតតាំងតោ កាប់ជនរងគ្រោះឲ្យរបួសប្លន់យកម៉ូតូសេរីទំនើបៗហើយពួកគេច្រើនធ្វើ សកម្មភាពនៅពេលយប់និងទាបភ្លឺ។
លោកបានបន្តទៀតថា បច្ចុប្បន្នជនសង្ស័យទាំង១៣ខាងលើរួមនិងវត្ថុតាងការិយាល័យបានរៀបចំ សំណុំរឿងបញ្ជូនទៅសាលាដំបូងរាជធានីភ្នំពេញដើម្បីចាត់ការតាមនិតិ វិធីច្បាប់។ចំណែកបក្សពួកនៅសេសសល់ហើយកំពុងគេចខ្លួនសមត្ថកិច្ច កំពុងតែបន្តធ្វើការស្រាវជ្រាវស្វែងរកចាប់ខ្លួនជាបន្តទៀត៕
ចំនួនអ្នកទស្សនា
- ថ្ងៃនេះ11541
- ម្សិលមិញ20231
- សប្តាហ៍នេះ90621
- ខែនេះ112501
- ឆ្នាំនេះ112501
- សរុប20554957