ពេលភ្លៀងចាប់បានត្រីក្រាញ់យកមកខាំត្រីត្បុលចូលបំពង់កស្លាប់
21-May-2016 | ដោយ មែន កំសត់
កំពង់ស្ពឺ៖បុរសម្នាក់បានស្លាប់ដោយសារ ត្រីត្បុលចូលបំពង់កខណ:ពេលភ្លៀងជនរងគ្រោះចាប់បានត្រីក្រាញ់មួយ ក្បាលយកមកខាំនឹងមាត់។ភាពភ្ញាក់ផ្អើលនោះបានកើតឡើងនៅត្រង់ចំណុចអូរ សំបុកចាបខាងកើតភូមិត្រពាំងគងឃុំសង្កែសាទបស្រុកឱរ៉ាល់ ខេត្តកំពង់ស្ពឺកាលពីរសៀលថ្ងៃទី២០ខែឧសភាឆ្នាំ២០១៦។
ប្រជាពលរដ្ឋ មូលដ្ឋានបានឱ្យដឹងថាជនរងគ្រោះឈ្មោះ សែ គិន អាយុ៤៥ឆ្នាំ មានជីវភាពក្រីក្រ គ្មានប្រពន្ធកូន រស់នៅជាមួយបងប្អូន ភូមិត្រពាំងគង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។ ក្នុងពេលមានភ្លៀងជនរងគ្រោះ គាត់បានទៅរកត្រី នៅចំណុចកើតហេតុខាងលើ ក៏ចាប់បានត្រីក្រាញ់មួយក្បាល យកមកខាំក្នុងមាត់ បណ្ដាលឱ្យត្រីក្រាញ់នោះ ត្បុលចូលក្នុងបំពង់ក ប្រកាច់ស្លាប់នៅនឹងកន្លែងភ្លាមៗតែម្តង។
បច្ចុប្បន្នសព ត្រូវបានសាច់ញាតិ យកទៅធ្វើបុណ្យតាមប្រពៃណី ក្នុងភូមិត្រពាំងគង ឃុំសង្កែសាទប និងមានលោក សោម ពុទ្ធតារា មេបញ្ជាការអាវុធហត្ថស្រុកឱរ៉ាល់ មានចិត្តសប្បុរសជន បានចូលរួមបុណ្យសព នូវប្រាក់ចំនួន១០០.០០០រៀល៕
ចំនួនអ្នកទស្សនា
- ថ្ងៃនេះ10781
- ម្សិលមិញ20231
- សប្តាហ៍នេះ89861
- ខែនេះ111741
- ឆ្នាំនេះ111741
- សរុប20554197