អាង ខ្លួនជានគរបាល បាញ់បោះសេរីត្រូវកម្លាំងអាវុធហត្ថចាប់ខ្លួន នៅស្រុកកៀនស្វាយ
22-May-2016 | ដោយ មែន កំសត់
កណ្តាល៖ មន្ត្រីនគរបាលអន្តោប្រវេសន៍ ក្រសួងមហាផ្ទៃម្នាក់ ត្រូវបានកម្លាំងអាវុធហត្ថស្រុកកៀនស្វាយ ខេត្តកណ្តាលចាប់ខ្លួន ក្រោយពីមន្ត្រីនគរបាលរូបនេះ បានបាញ់បោះសេរី នៅល្ងាចថ្ងៃទី២១ ខែឧសភា ឆ្នាំ២០១៦ ស្ថិតនៅចំការស្វាយភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល។
មន្ត្រីអាវុធហត្ថខេត្តកណ្តាល បានឲ្យដឹងថា ជនបាញ់បោះរូបនេះមានឈ្មោះ ឡេង សុជាតិ អាយុ ៣៣ ឆ្នាំ ជាមន្ត្រីនគរបាលមានឋានន្តរស័ក្តិថ្នាក់អនុសេនីយ៍ឯក អត្តលេខ71985 បំរើការនៅអង្គភាព នាយកដ្ឋានរដ្ឋបាលសរុប នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ។
ក្រោយការចាប់ខ្លួនកម្លាំងអាវុធហត្ថ បានដកហូត អាវុធខ្លីម៉ាក BERTTAលេខPX5341M ផលិតនៅប្រទេសអុីតាលី បង់មួយមានគ្រាប់១៥គ្រាប់ និងសំបកកាទុសបាញ់រួចអស់ចំនួន៩គ្រាប់ លិខិតបេសកកម្ម 000454 ប័ណ្ណប្រើប្រាស់លេខ ខ អ 9 04365 និងអត្តសញ្ញាណប័ណ្ណ នគរបាលជាតិ១សន្លឹក។
យ៉ាងណាក៏ដោយ មិនទាន់មានការបញ្ជាក់ពីមន្ត្រីអាវុធហត្ថ ថា ការបាញ់បោះនេះ បណ្តាលមកពីមូលហេតុអ្វីនោះទេ តែបើតាមប្រភពខ្លះអះអាងថា អាចបណ្តាលមកស្រវឹង។បច្ចុប្បន្នខាងកំលាំងជំនាញកងរាជអាវុធហត្ថស្រុក កំពុងបន្តនីតិវិធី ដើម្បីចាត់ការតាមច្បាប់៕
ចំនួនអ្នកទស្សនា
- ថ្ងៃនេះ12721
- ម្សិលមិញ20231
- សប្តាហ៍នេះ91801
- ខែនេះ113681
- ឆ្នាំនេះ113681
- សរុប20556137