ជំនន់ទឹកភ្លៀងឆក់យកជីវិតមនុស្សម្នាក់នៅស្រុកសៀមប៉ាង
24-May-2016 | ដោយ មែន កំសត់
ស្ទឹងត្រែង៖ បន្ទាប់ពីរលកកម្តៅបំផ្លាញរុក្ខជាតិទឹកថ្លុកត្រពាំងអូររីងហួតសត្វ គោក្របីអ្នកស្រុកសៀមប៉ាងងាប់អស់ជាច្រើនក្បាល អាកាសធាតុប្រែប្រួសមកជាខ្យល់បោកបក់ផ្គររន្ទះធ្លាក់ភ្លៀងមួយមេ យ៉ាងធំបណ្តាលឱ្យទឹកអូរមានជំនន់ហើយអ្នកស្រុករស់នៅទីនោះធ្វើដំណើរ ឆ្លងកាត់មិនបាន។ខណៈនោះបុរសម្នាក់ បានលង់ទឹកអូរស្លាប់និងពីរនាក់ផ្សេងទៀត រួចផុតជីវិតដោយសារសែងម៉ូតូឆ្លងកាត់ទឹកអូរមួយកន្លែង ពេលមានជំនន់ទឹកភ្លៀង។ហេតុការណ៍នោះបានកើតឡើងនៅភូមិសាស្ត្រភូមិញ៉ា ងស៊ុំឃុំថ្មកែវស្រុកសៀមប៉ាងខេត្តស្ទឹងត្រែងកាលពីយប់ថ្ងៃទី២២ ខែឧសភាឆ្នាំ២០១៦។
លោកបៃថងសាមៃ មេប៉ុស្តិ៍ រដ្ឋបាលឃុំថ្មកែវបានឱ្យដឹងថាបុរសម្នាក់ដែលស្លាប់ដោយលង់ទឹកអូរ ឈ្មោះគន់និតអាយុ៣០ឆ្នាំ។រីឯពីរនាក់ទៀតឈ្មោះខាំប៊ិនឡូអាយុ ២០ឆ្នាំនិងឈ្មោះអ៊ិនលូអាយុ២៣ឆ្នាំបានរួចផុតពីការស្លាប់ដោយសារ លង់ទឹកអូរ។បុរសទាំងបីនាក់មានទីលំនៅភូមិពងក្រៀលឃុំព្រែកមាស ស្រុកសៀមប៉ាង។
លោកមេប៉ុស្តិ៍បានឱ្យដឹងទៀតថានៅមុនពេល កើតហេតុបុរសទាំងបីនាក់ជិះម៉ូតូមួយគ្រឿងចូលព្រៃហើយវិល ត្រឡប់មកផ្ទះវិញ។ប៉ុន្តែពេលធ្វើដំណើរទៅឆ្ងាយដល់ភូមិញ៉ាងស៊ុំ ឃុំថ្មកែវវេលាម៉ោង១០យប់ថ្ងៃទី២២ឧសភាក៍បានជួបនឹងជំនន់ទឹកភ្លៀង បណ្តាលឱ្យលិចអូរមួយកន្លែងត្រង់ចំណុចអូរត្រនេល។
បុរស ទាំងបីនាក់មិនអាចធ្វើដំណើរឆ្លងកាត់អូរនោះបានគឺមានតែវិធីមួយទេ នាំគ្នាសែងម៉ូតូឆ្លងកាត់ទឹកអូរទើបឆាប់បានទៅដល់ផ្ទះព្រោះមេឃយប់ ជ្រៅទៅហើយ។គ្រានោះបុរសបីនាក់នាំគ្នាសែងម៉ូតូដល់ពាក់កណ្តាលអូរក៏ ស្រុតដីបណ្តាលឱ្យធ្លាក់ចូលទឹកអូរទាំងម៉ូតូនិងមនុស្ស។ខណៈនោះ ទឹកអូរកំពុងតែហូរជន់បុកខ្លាំងក៏បាត់ម៉ូតូនិងមនុស្សម្នាក់។ពីរ នាក់ទៀតបានហែលមកក្បែរច្រាំងអូររួចផុតពីការស្លាប់។
លុះមកដល់ព្រឹកថ្ងៃទី២៣ខែឧសភាឆ្នាំ២០១៦ទើបកម្លាំងសមត្ថកិច្ច ប៉ុស្តិ៍នគរបាលឃុំថ្មកែវបានសហការជាមួយប៉ុស្តិ៍នគរបាលឃុំព្រែកមាស, កម្លាំងកងរាជអាវុធហត្ថស្រុក,យោធាសឹករងស្រុកសៀមប៉ាងព្រមទាំង ក្រុមគ្រួសារជនរងគ្រោះនាំគ្នាទៅដល់កន្លែងកើតហេតុហើយក៏បានមុជទឹក រាវរកក្នុងអូរឃើញតែម៉ូតូមួយគ្រឿងប៉ុណ្ណោះ។
ដោយឡែក មនុស្សភ្លាមៗនោះ រកពុំឃើញទេ គឺរង់ចាំទឹកអូរស្រកសិន។ ក្រោយពីជំនន់ ទឹកអូរអស់រយ:ពេលជាច្រើនម៉ោងស្រកហើយទើបគេរកឃើញសពនៅឆ្ងាយពីកន្លែងកើតហេតុ។ សមត្ថកិច្ចក៍បានប្រគល់សពជូនក្រុមគ្រួសារដើម្បីដឹកតាមគោយន្តទៅធ្វើ បុណ្យនៅភូមិពងក្រៀលឃុំព្រែកមាសស្រុកសៀមប៉ាងក្នុងលំនៅដ្ឋាន ជនរងគ្រោះ៕
ចំនួនអ្នកទស្សនា
- ថ្ងៃនេះ12311
- ម្សិលមិញ20231
- សប្តាហ៍នេះ91391
- ខែនេះ113271
- ឆ្នាំនេះ113271
- សរុប20555727