បុរសម្នាក់ត្រូវគេវាយស្លាប់ដោយសារតុលាការប្រជាជនបន្ទាប់ពីបន្លំលួចចូលទៅដេករួមរ័ក្សជាមួយប្រពន្ធគេ
01-June-2016 | ដោយ មែន កំសត់
ខេត្តមណ្ឌលគិរី ៖ បុរសម្នាក់ត្រូវគេវាយស្លាប់ បន្ទាប់ពីបន្លំលួចចូលទៅដេករួមរ័ក្សជាមួយប្រពន្ធគេ ដែលកំពុងដេកលង់លក់ជាមួយប្តីតែត្រូវស្ត្រីរងគ្រោះសង្ស័យ បានស្ទាបមុខមាត់ដឹងថា មិនមែនជាប្តីរបស់ខ្លួនបានស្រែកឱ្យគេជួយ ខណៈនោះប្តីស្ត្រីរងគ្រោះរួមទាំងប្រជាពលរដ្ឋជិតខាង ឆោឡោមកជួយព្រួតគ្នាមួយដៃមួយជើងវាយស្លាប់នៅនឹងកន្លែងកើតហេតុ ។
ហេតុការណ៍ខាងលើនេះ កើតឡើងកាលពីវេលាម៉ោង០៨ និង៣០នាទីយប់ថ្ងៃទី២៩ ឧសភា ២០១៥ ស្ថិតនៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។
ប្រភពបានឱ្យដឹងថា ជនសង្ស័យដែលបានបន្លំដេករួមភេទជាមួយប្រពន្ធគេឈ្មោះអ៊ុន ស្រ៊ុន អាយុ៣១ឆ្នាំ មានទីលំនៅភូមិក្នុងខ្នាយ ឃុំតាកោ ស្រុកកំពង់លាវ ខេត្តព្រៃវែង ។ ចំណែកស្ត្រីអាយុ២៦ឆ្នាំ ជាកម្មករធ្វើផ្លូវថ្នល់ មានស្រុកកំណើតភូមិប្ញស្សីជ្រំ ឃុំសៀងឃ្វាង ស្រុកកំចាយមា ខេត្តព្រៃវែង ។
ប្រភពបន្តថា បន្ទាប់ពីកម្លាំងសមត្ថកិច្ចនគរបាលបានជួយដឹកជនសង្ស័យទៅ សង្គ្រោះនៅមន្ទីរដែរ តែត្រូវបានស្លាប់នៅវេលាម៉ោង៥ទៀបភ្លឺថ្ងៃទី៣០ខែឧសភា នេះ ។ បច្ចុប្បន្នសាកសពត្រូវបានដឹកយកមកតម្កល់នៅវត្ត រង់ចាំបូជា ព្រោះសមត្ថកិច្ចបានទំនាក់ទំនងទៅឪពុកម្តាយ តែពួកគាត់មិនអាចមកបាន សុំឱ្យបូជាទុកតែធាតុចាំមកទទួលពេលក្រោយ ។
សមត្ថកិច្ចជំនាញសន្និដ្ឋានថា ករណីនេះជាករណីរំលោភសេពសន្ថវៈ តែនេះជាលើកទីមួយហើយដែលនៅក្នុងខេត្តមណ្ឌលគិរីដែលមានករណី ជនសង្ស័យបានស្លាប់ដោយសារតុលាការប្រជាជន ។
ចំនួនអ្នកទស្សនា
- ថ្ងៃនេះ2541
- ម្សិលមិញ14181
- សប្តាហ៍នេះ2541
- ខែនេះ117691
- ឆ្នាំនេះ117691
- សរុប20560147