ស្ដ្រីម្នាក់បានរងការចោទប្រកាន់ថា ចូលទិញគ្រឿងអលង្ការក្រឡៃតែបានបន្លំលួច
06-June-2016 | ដោយ មែន កំសត់
ខេត្តបន្ទាយមានជ័យ ៖ ស្ត្រីម្នាក់បានរងការចោទប្រកាន់ថា ចូលទិញគ្រឿងអលង្ការក្រឡៃតែបានបន្លំលួច ដែលហេតុការណ៍នេះ បង្កការភ្ញាក់ផ្អើលនៅផ្សាររ៉ាថ្មី ដោយស្ត្រីសង្ស័យត្រូវឃាត់ខ្លួនបាន កាលពីល្ងាចថ្ងៃទី០៥ មិថុនា ២០១៦ ស្ថិតនៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ។
ស្ត្រីសង្ស័យខាងលើឈ្មោះឈួន ពៅ អាយុ៤៥ឆ្នាំ មានទីលំនៅក្នុងភូមិត្រពាំងវៀន ឃុំគោកចក ស្រុកអង្គរធំ ខេត្តសៀមរាប ។ចំណែកស្ត្រីឈ្មោះឈូក ស្រីមុំ អាយុ៣១ឆ្នាំ ជាអាជីវករអ្នកលក់គ្រឿងក្រឡៃ និងអ៊ុតសក់ មានទីលំនៅភូមិក្បាលស្ពាន១ សង្កាត់ប៉ោយប៉ែត ។
ប្រភពបន្តថា មុនពេលកើតហេតុ ស្ត្រីសង្ស័យធ្វើជាចូលរកទិញគ្រឿងអលង្ការ តែបន្លំលួចបានក្រវិល៤-៥គូ ជារបស់មានតម្លៃថោកត្រឹមតែ១គូ ១ម៉ឺនរៀល ឬជាង១ម៉ឺនរៀលតែប៉ុណ្ណោះ។ ក្នុងសកម្មភាពរបស់ស្ត្រីសង្ស័យ មកធ្វើជាមករកទិញគ្រឿងអលង្ការ តែនាងម្តងសួរទិញនេះ ម្តងសួរទិញនោះ ។ ទីបំផុត ម្ចាស់ក៏ដើរចូលក្នុងបន្ទប់មួយភ្លែត ចេញមកវិញ ស្រាប់តែបាត់គ្រឿងអស់មួយចំនួន។ ម្ចាស់គ្រឿង ក៏បានសួរនាំស្ត្រីជនសង្ស័យនោះ តែបែរជាឡាំប៉ាស្រាតខោអាវនៅតែខ្លួនននលគក ដោយបដិសេធន៍ថា មិនបានលួចអ្វីទេ ។ តែមានអ្នកឃើញស្ត្រីសង្ស័យនោះ បានលាក់ក្នុងដៃពេលចាប់ឆែកក៏ឃើញ ទើបមករាយការណ៍ជូនអាជ្ញាធរចាប់ឃាត់ជនសង្ស័យប្រគល់ឱ្យ សមត្ថកិច្ចតែម្តង។
បើតាមប្រភពពីនគរបាលប៉ោយប៉ែតប្រាប់ នៅព្រឹកថ្ងៃទី០៦ មិថុនា នេះថា ជនសង្ស័យបានសារភាពថា គេពិតជាបានបន្លំលួចគ្រឿងកាឡៃនោះពិតប្រាកដមែន។ តែយ៉ាងណាក៏ដោយ សមត្ថកិច្ចប្រាប់ថា ជនសង្ស័យត្រូវបានដោះលែងវិញហើយក្រោយការអប់រំតាមសំណូមពររបស់ ស្ត្រីជាអាជីវករ ៕
ចំនួនអ្នកទស្សនា
- ថ្ងៃនេះ3761
- ម្សិលមិញ14181
- សប្តាហ៍នេះ3761
- ខែនេះ118911
- ឆ្នាំនេះ118911
- សរុប20561367