ឈ្លោះប្រកែកជាមួយសង្សារ ត្រូវសង្សារវាយទម្លាក់ពីលើម៉ូតូសន្លប់
06-June-2016 | ដោយ មែន កំសត់
រាជធានីភ្នំពេញ ៖ ស្ត្រីវ័យក្មេងម្នាក់ជិះម៉ូតូជាមួយសង្សារឈ្លោះប្រកែកគ្នា ហើយក៏ត្រូវបុរសជាសង្សារវាយមួយដៃធ្លាក់ពីលើម៉ូតូដេកសន្លប់ កណ្តាលផ្លូវ ចំណែកឯបុរសជាសង្សារវិញបានជិះម៉ូតូទៅបាត់ បង្កឲ្យមានការភ្ញាក់ផ្អើលកាលពីវេលាម៉ោង១២និង២០នាទីរំលងអធ្រាត្រ ឈានចូលថ្ងៃទី០៥ មិថុនា ២០១៦ នៅមុខផ្ទះសំណាក់ចិន្តាអង្គរ ផ្លូវលេខ១០១៩ ភូមិទឹកថ្លា សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានប្រាប់ថា នៅមុនកើតហេតុគេឃើញស្ត្រីវ័យក្មេងខាងលើជិះម៉ូតូជាមួយបុរសម្នាក់ ជាសង្សារនឹងគ្នា ដែលជិះម៉ូតូប្រភេទម៉ូតូអូតូមិនចាំម៉ាក បើកបរក្នុងទិសដៅពីត្បូងទៅជើង ខណៈមកដល់ចំណុចខាងលើស្រាប់តែឃើញបុរសជាអ្នកបើកម៉ូតូបានវាយ ស្ត្រីខាងលើមួយកែងដៃឱ្យធ្លាក់ពីលើម៉ូតូបោកនឹងទ្រូងផ្លូវ បណ្តាលឱ្យសន្លប់ស្តូកស្តឹងកណ្តាលផ្លូវ ហើយបុរសខាងលើបានបើកម៉ូតូគេចទៅមុខបាត់ស្រមោល។
បើតាមសម្ដីស្ត្រីវ័យក្មេងខាងលើ ដែលមិនប្រាប់ឈ្មោះបានបង្ហើបទាំងមានការលាក់រលៀមថា រូបគាត់ និងបុរសខាងលើ ជាអ្នកស្គាល់គ្នានៅមុនកើតហេតុ គេទាំង២នាក់បានជិះម៉ូតូដើរលេង ហើយបានទាស់សម្ដីគ្នានៅលើម៉ូតូ ហើយគាត់ក៏មិននឹកស្មានថា បុរសនោះហា៑នវាយគាត់ឱ្យធ្លាក់ពីលើម៉ូតូឡើយ។
ក្រោយកើតហេតុអ្នកឃើញហេតុការណ៍បានយកប្រេងកូឡាមករឹតឱ្យ ទើបនាងដឹងខ្លួនវិញនិងបានទំនាក់ទំនងហៅមិត្តភក្កិមកដឹកយកទៅ ផ្ទះវិញហើយ ៕
ចំនួនអ្នកទស្សនា
- ថ្ងៃនេះ6291
- ម្សិលមិញ14181
- សប្តាហ៍នេះ6291
- ខែនេះ121441
- ឆ្នាំនេះ121441
- សរុប20563897