រថយន្តថៃដឹកពលករខ្មែរបើករត់គេចពីតម្រួតជ្រុលទៅបុកបង្គោលភ្លើងស្លាប់៦នាក់របួសធ្ងន់ស្រាលជាង២០នាក់
09-June-2016 | ដោយ មែន កំសត់
មានសេចក្តីរាយការណ៍ព័ត៌មានពីព្រំដែន កម្ពុជាថៃបានឲ្យដឹងថារថយន្តថៃបានដឹកពលករខ្មែរជាច្រើននាក់ចេញពី ចំណុចរផ្សាររ៉ុងក្លឿក្នុងទឹកដីថៃជាប់ព្រំដែនកម្ពុជាសំដៅទៅរក ការងារធ្វើនៅប្រទេសថៃ។ ក្នុងពេលកំពុងធ្វើដំណើរអ្នកបើកបរបានព្យាយាម បន្ថែមល្បឿនគេចពីតម្រួតថៃដែលដេញតាមពីក្រោយរួចក៍ជ្រុលទៅបុក បង្គោលភ្លើងពេញទំហឹងបណ្តាលឲ្យពលករខ្មែរស្លាប់៦នាក់របួសធ្ងន់ ស្រាលជាង២០នាក់។
គ្រោះថ្នាក់ចរាចរណ៍នេះបានកើតឡើងនៅតាម ដងផ្លូវជាតិសុវណ្ណាសន ស្ថិតក្នុងភូមិ២ ឃុំផាក់ខាក់ ស្រុកវ៉ាត់ថាណាក់ខនខេត្តស្រះកែវកាលពីវេលារំលងអធ្រាត្រចូលថ្ងៃទី ៨ ខែមិថុនា ឆ្នាំ២០១៦។
ប្រភពពីព្រំដែនកម្ពុជាថៃដដែលបាន ឲ្យដឹងទៀតថាក្រោយពីរថយន្តជួបគ្រោះថ្នាក់មានពលករម្នាក់ក្នុងចំណោម ពលកររងរបួសនឹងស្លាប់មានឈ្មោះសុខភាពភេទប្រុសអាយុ៣០ឆ្នាំមកពី ខេត្តតពោធិ៍សាត់និយាយប្រាប់សមត្ថកិច្ចថៃថាមុនឈានដល់កើតហេតុ ពួកគាត់បានជិះរថយន្តម៉ាកមិស៊ុយប៊ីស៊ីរបស់ជនជាតិថៃចេញពីផ្សារ រ៉ុងក្លឿជាប់ព្រំដែនកម្ពុជាសំដៅទៅរកការងារធ្វើនៅប្រទេសថៃ។ លុះកំពុងតែធ្វើដំណើរមានរថយន្តរបស់តម្រួតថៃដេញតាមពីក្រោយ អ្នកបើកបរឃើញសភាពបែបនេះក៍បន្ថែមល្បឿនលឿនទើបជ្រុលចង្កូតធ្លាក់ ប្រឡាយហើយជ្រុលទៅបុកបង្គោលភ្លើងបណ្ដាលឲ្យស្លាប់និងរបួសបែបនេះ តែម្ដង។
ប្រភពនោះបានបន្តថានៅកន្លែងកើតហេតុគេឃើញសមត្ថកិច្ច ថៃពីរស្រុកមកជួយសង្គ្រោះពលករខ្មែរគឺក្រុមទី១មកពីស្រុកអារញ្ញ ចំណែកក្រុមទី២មកពីស្រុកវ៉ាត់ថាណាក់ខនជាមួយអ្នកស្រុកនៅជិតនោះ ដើម្បីជួយជនរងគ្រោះ។ ប្រភពបញ្ជាក់ថាបើទោះជាមានកងអន្តរាគមន៍ជួយសង្គ្រោះយ៉ាងណាក៍ដោយពលករ មួយចំនួនបានស្លាប់នៅកន្លែងកើតហេតុគឺដោយសារតែរថយន្តសង្កត់លើ។ ក្រុមពលករដែលរងរបួស១២នាក់ស្រី៥នាក់ត្រូវគេដឹកយកទៅសង្គ្រោះនៅ មន្ទីរពេទ្យក្នុងស្រុកកើតហេតុ។ ចំណែក១២នាក់ទៀតមានស្រី៦នាក់ ត្រូវគេយកទៅសង្គ្រោះនៅមន្ទីរពេទ្យអារញ្ញ។ ពលករទាំងអស់នោះនៅមិនទាន់ដឹងអត្តសញ្ញាណនៅឡើយទេពេលនេះសមត្ថកិច្ចថៃ កំពុងតែស្រាវជ្រាវ។ ជុំវិញករណីខាងលើនេះលោកប៊ុនសុខវិបុលអគ្គកុងស៊ុលកម្ពុជាប្រចាំខេត្ត ស្រះកែវមិនអាចសុំការបំភ្លឺបានឡើយ ព្រោះទូរស័ព្ទលោកមិនអាចទំនាក់់ទំនងបាន៕
ចំនួនអ្នកទស្សនា
- ថ្ងៃនេះ3551
- ម្សិលមិញ14181
- សប្តាហ៍នេះ3551
- ខែនេះ118701
- ឆ្នាំនេះ118701
- សរុប20561157