មេឈ្មួញនៅខេត្ដរតនគិរីបំផុសពលរដ្ឋឱ្យកាប់ឈើនៅក្នុងតំបន់ហាមឃាត់
10-June-2016 | ដោយ មែន កំសត់
រតនគិរី៖មេឈ្មួញដ៏ធំៗមួយនៅខេត្ដ រតនគីរីដែលប្រកបរបរដឹកឈើប្រណីតលក់ធ្វើអាជីវកម្មបានបំផុស ប្រជាពលរដ្ឋក្រីក្រឱ្យកាប់ឈើមិនស្របច្បាប់នៅក្នុងតំបន់ហាមឃាត់យក លក់ឱ្យខ្លួន។នៅដើមខែឧសភាឆ្នាំ២០១៦នេះក្រុមឈ្មួញដ៏មានឥទ្ធិពល នៅខេត្ដរតនគិរីបានដើរប្រមូលទិញឈើប្រណីតនៅតាមបណ្ដារស្រុកនានា ក្នុងខេត្ដនេះនិងនៅបានបំផុសឱ្យពលរដ្ឋក្រីក្រនៅតំបន់ដាច់ស្រយាល ចូលកាប់យកឈើពីក្នុងព្រៃហាមឃាត់ដោយថ្នូរនិងកាកក់លុយខ្លអៗ ទុកជាមុនគឺឱ្យប្រជាពលរដ្ឋនៅតាមស្រុកមួយចំនួនដូចជាស្រុកកូនមុំ, ស្រុកវ៉ឺនសៃនិងស្រុកតាវែង។
បន្ទាប់មកគេឃើញមានពលរដ្ឋ មួយចំនួនបាននាំគ្នាចូលព្រៃកាប់យកឈើល្អៗដូចជាធ្នង់,សុក្រមនិង ឈើប្រណីតជាច្រើនប្រភេទទៀតពីក្នុងព្រៃអភិរក្សសត្វទោចនិងក្នុង តំបន់ឧទ្យានជាតិវរជ័យរួចដឹកចេញជាបន្តបន្ទាប់តាមរថយន្ដកែឆ្នៃនិង គោយន្ដកន្ត្រៃយកមកទំលាក់នៅតាមមាត់ទន្លេសេសាន។
ប្រភព បានឱ្យដឹងថាពេលនោះពួកឈ្មួញដែលជាម្ចាស់លុយបានទៅឈរជើងចាំដឹកឈើ ទាំងនោះតាមទូកឆ្លងមកត្រើយម្ខាងហើយដាក់បញ្ចូលឃ្លាំងភ្លាមៗគឺនៅ ស្រុកតាវែងនិងនៅឃ្លាំងកាចូនក្នុងស្រុកវ៉ឺនសៃដើម្បីស្តុបទុក ឱ្យបានច្រើនម៉ែត្រគូបទើបគេរត់ការជាមួយមន្ដ្រីមេព្រៃនិងមន្ដ្រី បរិស្ថានរួមនិងមន្ដ្រីពាក់ព័ន្ធដើម្បីឱ្យឈើនោះស្របច្បាប់។ មន្ដ្រីរដ្ឋបាលព្រៃឈើម្នាក់ឱ្យខ្សឹបឱ្យដឹងថាក្រោយពីរត់ការឱ្យឈើ នោះស្របច្បាប់រួចហើយគេនិងត្រៀមដឹកចេញទាំងអស់ទៅកាន់ទីផ្សារនៅ ប្រទេសវៀតណាមតាមច្រកទ្វារអន្ដរជាតិស្រុកអូរយ៉ាដាវនាពេលឆាប់ៗ ខាងមុខនេះគឺសម្អាងថាមានច្បាប់ប្រមូលទិញផលអនុផលព្រៃឈើពីតាម ក្រុមហ៊ុនដីសម្បទាននានា។
មន្ដ្រីបានបន្ដថាដោយសម្អាងលើច្បាប់ ប្រមូលទិញផលអនុផលព្រៃឈើនោះហើយធ្វើឱ្យពួកឈ្មួញនោះបានឆ្លៀតឧិ កាសឱ្យពលរដ្ឋចូលទៅលុកលុយកាប់យកឈើប្រណីតនៅក្នុងវង្វ់ដែនជម្រក សត្វទោចនៅស្រុកវ៉ឺនសៃនិងនៅតំបន់ឧទ្យានជាតិ(កន្ទុយនាគ) តែម្ដង។ចំណែកអាជ្ញាធរនិងសមត្ថកិច្ចនៅមូលដ្ឋានគឺមិនហ៊ានធ្វើការ ទប់ស្កាត់ឡើយមានតែបិតភ្នែកឱ្យក្រុមឈ្មួញប្រព្រឹត្តទៅដោយ អនាធិបតេយ្យដោយគ្មានទីបញ្ចប់។
ជាក់ស្ដែងកាលពីថ្ងៃទី៨ ខែមិថុនាឆ្នាំ២០១៦ពួកឈ្មួញបានបន្ដសកម្មភាពដឹកឈើចេញពីតំបន់ខាងលើ មានរាប់ពាន់កំណាត់ក្នុងមួយថ្ងៃៗគឺយកទៅគរទុកដូចភ្នំនៅក្នុង ឃ្លាំង។គេសង្ស័យថាមន្ដ្រីបរិស្ថាននិងមន្ដ្រីពាក់ព័ន្ធមួយចំនួននៅ ទីនោះបានបង្ករលក្ខណ:ងាយស្រួលដល់ក្រុមឈ្មួញទើបគេហ៊ានប្រព្រឹ ត្ដបទល្មើសកាប់ឈើតាមតែអំពើចិត្ដ។
កាចោទប្រកាន់ដូចខាងលើ នោះលោកព្រីនសំបូរនាយកគ្រប់គ្រងដែនឧទ្យានជាតិវរជ័យ(កន្ទុយនាគ) កាលពីថ្ងៃទី៨ខែមិថុនាឆ្នាំ២០១៦បានឱ្យអ្នកយកព័ត៌មានដឹងថាឈើប្រណីត ដែលឈ្មួញស្តុបទុកនៅក្នុងឃ្លាំងភូមិសាស្ដ្រស្រុកខាងលើគឺគេដឹក ចេញពីព្រៃការពាររបស់សហគមន៏ទេ។
លោកនាយកឧទ្យានបានបញ្ជាក់ ទៀតថាព្រៃការពារដោយសហគមន៏នោះគឺមានទីតាំងនៅជាប់ជាមួយនិងតំបន់ដែន ឧទ្យានជាតិវរជ័យកន្ទុយនាគដែរ។
គួរបញ្ជាក់ថាកាលពីថ្ងៃទី១៥ ខែមេសាឆ្នាំ២០១៦ក្រុមការងារថ្នាក់ជាតិបានបើកយុទ្ធនាការបង្ក្រាប បទល្មើសជួញដូរឈើប្រណីតខុសច្បាប់ជាទ្រង់ទ្រាយធំគឺនៅតាមបណ្ដាខេត្ដ ដែលមានជាប់ព្រំប្រទាល់ជាប់និងវៀតណាម។
ពេលនោះថ្មីៗនោះ ឃើញថាពួកឈ្មួញដែលរកស៊ីដឹកឈើមិនស្របច្បាប់នៅខេត្ដរតនគិរីបាន ផ្អាកសកម្មភាពរបស់ខ្លួនមួយរយ:ពេលខ្លីតែប៉ុណ្ណោះ។ក្រោយពី ស្ងប់ស្ងាត់នៅពាក់កណ្ដាលខែឧសភាពួកឈ្មួញបានបន្ដដឹកជញ្ជូនឈើចេញពី ក្នុងព្រៃតាមគ្រប់រូបភាពផ្សេងៗដើម្បីនាំយកទៅលក់ធ្វើអាជីវកម្មដូច មុនដដែល៕
ចំនួនអ្នកទស្សនា
- ថ្ងៃនេះ6771
- ម្សិលមិញ14181
- សប្តាហ៍នេះ6771
- ខែនេះ121921
- ឆ្នាំនេះ121921
- សរុប20564377