រថយន្តបុកជាមួយម៉ូតូបណ្ដាលឲ្យបុរសម្នាក់ស្លាប់ភ្លាមៗនៅស្រុកពួក
11-June-2016 | ដោយ មែន កំសត់
សៀមរាប៖គ្រោះថ្នាក់ចរាចរណ៍គួរឲ្យ រន្ធត់មួយរវាងរថយន្តបើកបរដោយបុរសម្នាក់មិនស្គាល់អត្តសញ្ញាណបាន បុកជាមួយម៉ូតូបណ្តាលឲ្យបុរសម្នាក់បានស្លាប់ភា្លមនៅនឹងកន្លែង។ ឧបទ្ទវ:ហេតុនេះបានក់តឡើងនៅចំណុចផ្លូវចូលសាលាស្រុកពួកស្ថិតនៅ ក្នុងភូមិគោកថ្មី ឃុំពួកស្រុកពួក ខេត្តសៀមរាប កាលពីថ្ងៃទី១០ ខែមិថុនា ឆ្នាំ២០១៦។
សាក្សីបានឲ្យដឹងថាមុនកើតហេតុមាន រថយន្តមួយគ្រឿងពណ៌ទឹកប៉ិចពាក់ស្លាកលេខភ្នំពេញ2G:6556 បើកបរដោយបុរស់ម្នាក់ មិនស្គាល់អត្តសញ្ញាណបើកពីទិសខាងកើតទៅទិសខាងលិច។ លុះមកដល់ចំណុចកើតហេតុរថយន្តបានបត់ឆ្វេងចូលតាមផ្លូវ សាលាស្រុកដោយមិនមានការប្រុងប្រយ័ត្នទើបធ្វើឲ្យម៉ូតូដែលបើក បញ្ច្រាស់ទិសគ្នាពីលិចទៅកើតបុកពេញទំហឹងបណ្តាលឲ្យស្លាប់តែម្តង។ មន្ត្រីនគរបាលបានឲ្យដឹងថាជនរងគ្រោះឈ្មោះ អុត អឿង អាយុ២៧ឆ្នាំ រស់នៅភូមិស្រម៉ ឃុំល្វា ស្រុកពួក ខេត្តសៀមរាប ជិះម៉ូតូម៉ាកឌ្រីមសង សេ១២៥ ផលិតនៅឆ្នាំ២០០៧ ពណ៌ខ្មៅ ។ ចំណែកអ្នកបើកបររថយន្តគេមិនស្គាល់អត្តសញ្ញាណទេ ក្រោយពីកើតហេតុជននោះបានចុះរត់គេចខ្លួនបាត់។ ក្រោយពីទទួលបានដំណឹងថាមានករណីគ្រោះថ្នាក់ចរាចរណ៍កម្លាំងនគរបាល ចរាចរណ៍បានចុះទៅពិនិត្យមើលកន្លែងកើតហេតុភ្លាមៗនិងធ្វើការវាស់វែង។ បច្ចុប្បន្នសពជនរងគ្រោះត្រូវបានក្រុមគ្រួសារមកទទួលយកទៅធ្វើបុណ្យ តាមប្រពៃណី។រីឯរថយន្តនិងម៉ូតូត្រូវបានកម្លាំងនគរបាលនៃ អធិការដ្ឋាននគរបាលស្រុកពួកយកទៅរក្សាទុកដើម្បីកសាងសំណុំរឿងទៅតាម នីតិវិធីច្បាប់៕
ចំនួនអ្នកទស្សនា
- ថ្ងៃនេះ7451
- ម្សិលមិញ14181
- សប្តាហ៍នេះ7451
- ខែនេះ122601
- ឆ្នាំនេះ122601
- សរុប20565057