នារី២នាក់បងប្អូនបង្កើត ត្រូវរថយន្ដកុងទីន័របុកស្លាប់ យ៉ាងអាណោចអាធ័ម នៅខណ្ឌពោធិ៍សែនជ័យ
11-June-2016 | ដោយ មែន កំសត់
រាជធានីភ្នំពេញ៖នារី២នាក់ជាបងប្អូនបង្កើត បានស្លាប់ភ្លាមៗនៅកន្លែងកើតហេតុ ដោយសារតែរថយន្ដកុងទីន័រ បុកម៉ូតូរបស់ពួកគេនៅម៉ោង១:២០នាទីរសៀលថ្ងៃទី១១ ខែមិថុនា ឆ្នាំ២០១៦នេះ តាមបណ្ដោយផ្លូវជាតិលេខ៤ ស្ថិតក្នុងសង្កាត់ចោមចៅ ខណ្ឌពោធិ៍សែន។ មុនពេលកើតហេតុការណ៍រថយន្ដកុងទីន័រ ម៉ាកFuso ពាក់ស្លាកលេខភ្នំពេញ3A-6593 បើកបរក្នុងទិសដៅពីលិចទៅកើត លុះដល់ចំណុចកើតហេតុ បានគៀររថយន្ដPrius មួយគ្រឿង ក្រោយមកបានរេចង្កូតទៅបុក និងកិនម៉ូតូមួយគ្រឿង ម៉ាកគុប ពាក់ស្លាកលេខភ្នំពេញ1AH-3577 បណ្ដាលឱ្យនារី២នាក់ ដែលត្រូវជាបងប្អូនបង្កើតនឹងគ្នាស្លាប់យ៉ាងអាណោចអាធ័ម។
ជនរងគ្រោះទី១ឈ្មោះអន ពិដោរ អាយុ១៩ឆ្នាំ ស្នាក់នៅសង្កាត់រាំងសាំង ខណ្ឌពោធិ៍សែនជ័យ និងម្នាក់មិនទាន់ស្គាល់ឈ្មោះ។ ក្រោយពេលកើតហេតុ សមត្ថកិច្ចទាក់ទងទៅក្រុមគ្រួសារសព ដើម្បីយកទៅធ្វើបុណ្យតាមប្រពៃណី ចំណែករថយន្ដបង្ក និងម៉ូតូ ត្រូវបានយកទៅរក្សាទុកដើម្បីរង់ចាំការដោះស្រាយនៅពេលក្រោយ។ ជាមួយគ្នានេះអ្នកបើករថយន្តកុងតឺន័រ និងព្រូរថយន្តក៏ត្រូវបានសមត្ថកិច្ចចាប់ខ្លួនផងដែរ៕
ចំនួនអ្នកទស្សនា
- ថ្ងៃនេះ7281
- ម្សិលមិញ14181
- សប្តាហ៍នេះ7281
- ខែនេះ122431
- ឆ្នាំនេះ122431
- សរុប20564887