ប្រទះឃើញបុរសម្នាក់ដើរទិញលក់អេតចាយស្លាប់សង្ស័យគ្រោះថ្នាក់ចរាចរណ៍
19-June-2016 | ដោយ មែន កំសត់
ប៉ោយប៉ែត៖បុរសម្នាក់បើករ៉ឺម៉កម៉ូតូ ដឹកក្រដាសអេតចាយពីខេត្តបន្ទាយមានជ័យមកលក់នៅក្រុងប៉ោយប៉ែតត្រូវ ប្រជាពលរដ្ឋធ្វើដំណើរប្រទះឃើញស្លាប់ក្បែរគល់ដើមកាស្យាដែលគេសង្ស័យ ចាករណីគ្រោះថ្នាក់ចរាចណ៍។ហេតុការណ៍ខាងលើនេះបង្កការភ្ញាក់ផ្អើល នៅតាមបណ្ដោយផ្លូវជាតិលេខ៥។ត្រង់ចំណុចក្បែទីតាំងលក់សាំងប្រហែល៦០ ម៉ែត្រស្ថិតក្នុងភូមិស្ទឹងបត់សង្កាត់ផ្សារកណ្ដាលក្រុងប៉ោយប៉ែត ខេត្តបន្ទាយមានជ័យកាលថ្ងៃទី១៨ ខែមិថុនា ឆ្នាំ២០១៦ ។
ប្រភពពី សមត្ថកិច្ចឲ្យដឹងថា បុរសរងគ្រោះមានឈ្មោះ សេង សៀប អាយុ៣៨ឆ្នាំមុខរបរទិញលក់អេតចាយរស់នៅភូមិសុភីសង្កាត់កំពងស្វាយ ក្រុងសិរីសោភណ្ឌខេត្តបន្ទាយមានជ័យ។មុនកើតហេតុបុរសខាងលើបានជិះ ម៉ូតូសណ្ដោងរ៉ឺម៉កដឹកក្រដាសអេតចាយពីភូមិខាងលើមកលក់នៅស្តង់ អេតចាយក្រុងប៉ោយប៉ែតតាំងពីម៉ោង៥និង១៥នាទីព្រឹកតាមបណ្ដោយ ផ្លូវជាតិលេខ៥ហើយជនរងគ្រោះមិនសូវចេះបើបរម៉ូតូសណ្ដោងរម៉កឡើយ។
ក្នុងនោះគេសង្ស័យជនរងគ្រោះមកដល់កន្លែងកើតហេតុបានគេចរថយន្តបញ្ច្រាស់ទិស បណ្ដាលឲ្យកង់រ៉ឺម៉កផ្នែកខាងក្រោយធ្លាក់ចូលប្រឡាយទប់ចង្កូតមិនជា ប់ក៍ជ្រុលធ្លាក់ប្រឡាយធ្វើឲ្យកន្ទុយរ៉ឺម៉កបុកម្ចាស់ខ្ទប់នឹង ដើមកាស្យាចំដើមទ្រូងឆ្វេងបណ្ដាលបាក់ដៃស្លាប់តែម្ដង។ក្រោយ កើតហេតុសមត្ថកិច្ចបានអន្តរាគមន៍រកសាច់ញាតិដើម្បីប្រគល់សពជនរងគ្រោះ យកទៅធ្វើបុណ្យ៕
ចំនួនអ្នកទស្សនា
- ថ្ងៃនេះ7321
- ម្សិលមិញ14181
- សប្តាហ៍នេះ7321
- ខែនេះ122471
- ឆ្នាំនេះ122471
- សរុប20564927