ចោរមួយក្រុមមហាថ្លើមធំហ៊ានបើករថយន្តកុងតឺន័រ ទៅ គាស់ទូប្លន់យកសម្លៀកបំពាក់ជិត៣.០០០កំប្លេ
24-June-2016 | ដោយ មែន កំសត់
កំពង់ស្ពឺ៖ចោរមួយក្រុមមហាថ្លើមធំហ៊ានបើករថយន្តកុងតឺន័រយកទៅ គាស់ទូប្លន់យកសម្លៀកបំពាក់ជិត៣.០០០កំប្លេ នៅស្រុកសំរោងទង។
កម្លាំងអាវុធហត្ថខេត្តកំពង់ស្ពឺ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍មេបញ្ជាការ ជូ សារុន បានបើកប្រតិបត្តិការចុះបង្ក្រាបករណីចោរមួយក្រុមបានរួមគំនិតគ្នា ជាមួយអ្នកបើករថយន្តបានបើកកុងតឺន័រយកទៅគាស់ទូ ប្លន់យកសម្លៀកបំពាក់ នៅស្រុកសំរោងទង ខេត្តកំពង់ស្ពឺកាលពីល្ងាចថ្ងៃទី២៣ ខែមិថុនា ឆ្នាំ២០១៦ ។
មន្ត្រីអាវុធហត្ថ បានឲ្យដឹងថា ជនសង្ស័យមិនទាន់ដឹងចំនួនពិតប្រាកដនោះទេ បានបើករថយន្ត កុងតឺន័រដឹកសម្លៀកបំពាក់ម៉ាក Puma ឆ្ពោះទៅកំពង់ផែ ខេត្តព្រះសីហនុ ដើម្បីគ្រោងនាំចេញ។ ប៉ុន្តែពេលដល់ខេត្តកំពង់ស្ពឺក្នុងទឹកដីស្រុកសំរោងទងអ្នកបើករថយន្ត បានបើកបង្ហួសទៅតាមផ្លូវជាតិលេខ៤៤ ដើម្បីគាស់ទូប្លន់យកសម្លៀកបំពាក់។ ពេលកំពុងធ្វើសកម្មភាពនោះក្រុមចោរទំនងដឹងខ្លួន ពួកគេបានបើករថយន្តចេញទៅដោយបន្សល់ទុក សម្លៀកបំពាក់ចាក់ចោលនៅទីនោះ ។ មន្ត្រីអាវុធហត្ថ បានបញ្ជាក់ថា ពេលចុះរាប់នោះ សមត្ថកិច្ចរកឃើញមានសម្លៀកបំពាក់ចំនួន២៧០បេដែលក្នុងមួយបេៗមាន ចំនួន១១សម្លៀកបំពាក់ សរុបប្រមាណជិត៣.០០០កំប្លេ ។ នៅពេលនេះ កម្លាំងសមត្ថកិច្ចបាន និងកំពុងតាមបង្ក្រាបក្រុមចោរទាំងនោះ ដើម្បីចាប់យកមកផ្តន្ទាទោសតាមច្បាប់៕ -
ចំនួនអ្នកទស្សនា
- ថ្ងៃនេះ8531
- ម្សិលមិញ14181
- សប្តាហ៍នេះ8531
- ខែនេះ123681
- ឆ្នាំនេះ123681
- សរុប20566137