ចោរប្លន់ម៉ូតូពីស្ត្រីម្នាក់បុរសម្នាក់ទៀតរត់មកមើលត្រូវក្រុមចោរបាញ់របួស
26-June-2016 | ដោយ មែន កំសត់
ព្រះសីហនុ៖ចោរបានប្លន់ម៉ូតូពី ស្ត្រីម្នាក់នៅក្រុងព្រះសីហនុឯបុរសម្នាក់ទៀតក៍រត់មកមើលហាក់ មានបំណងចង់ជួយអន្តរាគមន៍តែត្រូវក្រុមចោរបាញ់មួយគ្រាប់ឲ្យរបួស ជើងឆ្វេង។ហេតុការណ៍បានកើតឡើងស្ថិតនៅម្តុំក្បែរស្ពានអូរសំអាត ក្រុមទី១៣ភូមិ១សង្កាត់លេខ៣ក្រុងព្រះសីហនុកាលពីយប់រំលងអាធ្រា ត្រចូលថ្ងៃទី២៦ខែមិថុនាឆ្នាំ២០១៦។
មន្ត្រីនគរបាលបានឲ្យ ដឹងថាមានករណីប្លន់យកម៉ូតូពីស្ត្រីម្នាក់បានសម្រេចដោយក្នុងហេតុ នោះបណ្តាលឲ្យបុរសម្នាក់ដែលជាប្រជាពលរដ្ឋរស់នៅក្បែរខាងគ្នារងរបួស ជើងខាងឆ្វេងដោយសារក្រុមចោបាញ់មួយគ្រាប់ក្នុងពេលបុរសនោះបានចេញពី ក្នុងផ្ទះមកមើលឃើញហេតុការណ៍ដោយចៃដន្យនេះហាកមានបំណងជួយអន្តរាគមន៍ ។
ចំណែកស្ត្រីរងគ្រោះដែលត្រូវចោរប្លន់យកម៉ូតូម៉ាកហុងដាសេ ១២៥ពណ៌ខ្មៅសេរី២០១៦នោះពុំមានគ្រោះថ្នាក់អ្វីទេ។ស្ត្រីរងគ្រោះ ដែលត្រូវចោរប្លន់មានឈ្មោះលឹមមុំអាយុ២៤ឆ្នាំមានទីលំនៅក្បែរកន្លែង កើតហេតុ។បុរសដែលរងរបួសដោយគ្រាប់កាំភ្លើងរបស់ក្រុមចោរឈ្មោះពលសា មានអាយុ២៣ឆ្នាំ។
ជនរងគ្រោះបាននិយាយថានៅពេលកើតហេតុខ្លួន បានឮសម្លេងម៉ូតូឈប់នៅក្បែរផ្ទះមានសម្លេងស្រីនិងប្រុសស្មានថាជា សម្លេងគូសង្សារណាមួយក៏ចេញមកមើល។ប៉ុន្តែពេលបើកទ្វារដើរផុតពីផ្ទះ បន្តិចក៏ត្រូវបានគេបាញ់មកលើខ្លួនតែម្តងក្រោយមកទើបដឹងជា ក្រុមចោរកំពុងប្លន់ម៉ូតូ។
ក្រោយកើតហេតុប្រមាណជិតកន្លះ ម៉ោងស្ត្រីរងគ្រោះបានមកដាក់ពាក្យបណ្តឹងនៅប៉ុសិ៍្តនគរបាលរដ្ឋបាល សង្កាត់លេខ៣។ឯជនរងគ្រោះរបួសជើងកំពុងសង្គ្រោះនៅ មន្ទីរពេទ្យបង្អែកខេត្ត។ស្នងការនគរបាលខេត្តព្រះសីហនុលោកឧត្តម សេនីយ៍ជួនណារិន្ទបានបញ្ជាក់ថានៅពេលនេះកម្លាំងជំនាញរបស់លោក បាននិងកំពុងធ្វើការស្រាវជ្រាវយ៉ាងចិត្តទុកដាក់ ដើម្បីតាមចាប់ជនសង្ស័យ៕
ចំនួនអ្នកទស្សនា
- ថ្ងៃនេះ8861
- ម្សិលមិញ14181
- សប្តាហ៍នេះ8861
- ខែនេះ124011
- ឆ្នាំនេះ124011
- សរុប20566467