បញ្ជូនជនសង្ស័យចំនួន២នាក់ ប្រព្រឹត្តក្នុងអំពើលួចមានស្ថានទម្ងន់ទោសទៅសាលាដំបូងខេត្ត
04-July-2016 | ដោយ មែន កំសត់
ខេត្តបន្ទាយមានជ័យ ៖ កម្លាំងជំនាញការិយាល័យនគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តបន្ទាយមានជ័យនៅព្រឹកថ្ងៃទី០៣ខែកក្កដាឆ្នាំ២០១៦នេះ បានបញ្ជូនជនសង្ស័យចំនួន២នាក់ ប្រព្រឹត្តក្នុងអំពើលួចមានស្ថានទម្ងន់ទោសទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធីច្បាប់ ។
លោកវរសេនីយ៍ត្រីភឿង ម៉ាន់សឹង្ហ នាយការិយាល័យនគរបាលព្រហ្មទណ្ឌកំរិតធ្ងន់ បានឲ្យដឹងថា៖ ដែលត្រូវបានចាប់ឃាត់ខ្លួនឈ្មោះអ៊ុក ភារម្យ ហៅ ពៅហៅ ពិត ភេទប្រុសអាយុ៣៤ឆ្នាំ នៅភូមិស្នូលទ្រេត៩៧ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ និងម្នាក់ទៀតឈ្មោះ ឈុំ កែប ហៅថា ភេទប្រុសអាយុ២៧ឆ្នាំ នៅភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
ជនទាំង២នាក់នេះនិងបក្សពួកម្នាក់ទៀតឈ្មោះម៉េង កុសល ភេទប្រុសអាយុ២៦ឆ្នាំនភូមិ៤ សង្កាត់ព្រះពន្លា ក្រុងសិរីសោ ភ័ណ នៅវេលាម៉ោង៤ទៀបភ្លឺថ្ងៃទី៣០ខែមិថុនាឆ្នាំ២០១៦ ពេលផឹស្រាស្រវឹងបានធ្វើសកម្មភាពវាយយកម៉ូតូនៅចំណុចវេទិការខេត្តបន្ទាយមានជ័យ ពីជនរងគ្រោះឈ្មោះលួស សារ៉េត ភេទប្រុសអាយុ៣៦ឆ្នាំ នៅភូមិដងរុន ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ ដោយយកអស់ម៉ូតូ១គ្រឿងម៉ាកហុងដា ឌ្រីមធុនសេ១២៥ សេរី២០០៧ ពណ៌ខ្មៅ ពាក់ស្លាកលេខប.មានជ័យ. 1C.4393 ប្រាក់ខ្មែរ១២ម៉ឺនរៀល,ប្រាក់ថៃ១០០បាតនិងទូរស័ព្ទដៃ១គ្រឿង រួចបាននាំបក្សពួកជិៈម៉ូតូរត់គេចខ្លួន។
លោកឧត្តមសេនីយ៍ត្រីសិទ្ធ ឡោះ ស្នងការរង ទទួលបន្ទុកការិយាល័យកណ្តាលនគរបាលព្រហ្ម ទណ្ឌ បានបញ្ជាក់ថា៖ក្រោយពីទទួលបណ្តឹងពីជនរងគ្រោះ កម្លាំងនគរបាលជំនាញ ការិយាល័យល័យ ព្រហ្មទណ្ឌកំរិតធ្ងន់ ទទួលបញ្ជាពីលោកឧត្តមសេនីយ៍ទោអាត់ ខែម ស្នងការនគរបាលខេត្ត និងមានការសម្របសម្រួលពីលោកសុក កែវ បណ្ឌិត ព្រះរាជអាជ្ញារងអមសាលាដំបូងខេត្តបន្ទាយមានជ័យ កម្លាំងជំ នាញបានចុះធ្វើការស្រាវជ្រាវ និងឈានដល់ការចាប់ឃាត់ខ្លួនមុខសញ្ញាជនសង្ស័យចំនួន២នាក់ ក្នុងចំណោមបក្សពួក៣នាក់ មានឈ្មោះ អ៊ុក ភារម្យ ហៅ ពៅហៅ ពិតនិងឈ្មោះឈុំ កែប ហៅថា នៅវេលាម៉ោង៦និង១៥នាទីល្ងាចថ្ងៃទី០១ខែកក្កដាឆ្នាំ២០១៦ ។
តាមការសារភាពរបស់ជនសង្ស័យទាំង២នាក់ដែលចាប់ឃាត់ខ្លួននេះ គឺពួកគេបានសារភាពថាពិតជាបានធ្វើសកម្មភាពវាយយកម៉ូតូរបស់ជនរងគ្រោះពិតប្រាកដមែន ក្រោយពីយកម៉ូតូបានពួកគេបានជិៈម៉ូតូទៅកាច់ស្លាកលេខចោលនៅចំណុចចំការស្វាយ ក្នុងភូមិសាស្ត្រភូមិទឹកថ្លា ក្រុងសិរីសោភ័ណ រួចបន្តដំណើរយកស្លាកលេខនៅនោះទៅបោះចោលនៅចំការស្វាយ១កន្លែងទៀតនៅក្នុងភូមិសាស្ត្រភូមិស្នូលទ្រេត ឃុំអូរបីជាន់ ស្រុកអូរជ្រៅ រួចហើយម៉ូតូគេបានយកទៅលក់ឲ្យឈ្មោះអោ វឿម ភេទប្រុសអាយុ៣៩ឆ្នាំ មានទីលំនៅភូមិបន្ទាយថ្មី ឃុំអូរបីជាន់ ក្នុងតម្លៃ១លានរៀល តែឈ្មោះអោ វឿម បានប្រគល់លុយចំនួន៥០ម៉ឺនរៀលមុន ដោយសន្យាពេលក្រោយទើបឲ្យបង្គ្រប់។
ដោយផ្អែកលើចម្លើយសារភាពរបស់ជនសង្ស័យនិងចម្លើយបំភ្លឺរបស់សាក្សី ជនសង្ស័យទាំង២នាក់ត្រូវបញ្ជូនទៅសាលាដំបូងខេត្តបន្ទាយមានជ័យនៅព្រឹកថ្ងៃទី០៣ខែកក្កដាឆ្នាំ២០១៦៕
ចំនួនអ្នកទស្សនា
- ថ្ងៃនេះ1681
- ម្សិលមិញ12101
- សប្តាហ៍នេះ13791
- ខែនេះ128941
- ឆ្នាំនេះ128941
- សរុប20571397