ព្រះចៅអធិការវត្តមួយអង្គនៅខេត្តស្ទឹងត្រែងត្រូវបាន នគរបាលឃាត់ខ្លួនដោយជាប់ពាក់ព័ន្ធករណីជួញដូរថ្នាំញៀន
09-July-2016 | ដោយ មែន កំសត់
ស្ទឹងត្រែង៖ព្រះចៅអធិការវត្តមួយអង្គនៅខេត្តស្ទឹងត្រែងត្រូវបាន នគរបាលឃាត់ខ្លួនដោយជាប់ពាក់ព័ន្ធករណីជួញដូរថ្នាំញៀនមានទម្ងន់ ប្រមាណជិតមួយគីឡូក្រាមកាលពីវេលាម៉ោង១១:៣០នាទីថ្ងៃទី៨ខែកក្កដា ឆ្នាំ២០១៦។
សមត្ថកិច្ចបានឱ្យដឹងថាព្រះចៅអធិការវត្ត មុនពេលឃាត់កាយមានព្រះនាមម៉ៃ សំអឿនព្រះជន្ម៣៤វស្សា គង់នៅវត្ត ខត្តិញ៉ារាមហៅវត្តកណ្តាលសង្កាត់ស្ទឹងត្រែងក្រុងស្ទឹងត្រែង។ កម្លាំងនគរបាលបានឆ្មក់ឃាត់ខ្លួននៅក្នុងវត្តក្រោយពីឆាន់បាយរួចហើយ យកមកផ្សឹកនៅ ក្នុងស្នងការដ្ឋាននគរបាលខេត្តស្ទឹងត្រែង។ក្រោយពីដោះស្បង់ចីពរ ក្លាយទៅជាគ្រហស្ថហើយជនសង្ស័យបាននិយាយប្រាប់សមត្ថកិច្ចថាខ្លួនមិន បានប្រព្រឹត្តអំពើជួញដូរថ្នាំញៀនដូចការចោទប្រកាន់របស់សមត្ថកិច្ច ឡើយ។នៅថ្ងៃកើតហេតុខ្លួនកំពុងឆាន់ចង្ហាត់ពេលថ្ងៃត្រង់ហើយមានបុរស និងស្ត្រីជនជាតិឡាវបានទំនាក់ទំនងជាមួយ។
ជន នោះបានបន្តថាស្ត្រីម្នាក់ឈ្មោះចែស្រីបានយកឥវ៉ាន់មកផ្ញើជាមួយ ខ្លួនដោយមានក្មេងប្រុសម្នាក់គឺជាអ្នកយកមកទុកដោយមិនបានដឹងថា របស់យកមកនោះគឺជាអ្វីទេ។អតីតព្រះចៅអធិការវត្តបានបញ្ជាក់ថា ខ្លួនគ្រាន់តែជាអ្នកបកប្រែពីភាសាឡាវមកខ្មែរហើយក៏មិនបានដឹងរឿង មានថ្នាំញៀនយកមកទុកក្នុងវត្តបែបនេះដែរ។មុនពេលកើតហេតុមាន ក្មេងប្រុសម្នាក់បានយករបស់ទៅផ្ញើនៅក្នុងកុដិតាមការទំនាក់ទំនង គ្នារវាងបុរសនិងស្ត្រីម្នាក់ឈ្មោះចែស្រីជាមុន។បន្ទាប់ពីឆាន់ រួចដើរចូលទៅក្នុងបន្ទប់ក៏ត្រូវកម្លាំងសមត្ថកិច្ចនគរបាលឃាត់ខ្លួន ដាក់ឡានបញ្ជូនទៅកាន់ស្នងការខេត្តភ្លាមៗ។ពាក់ព័ន្ធនឹងរឿងនេះ ខ្លួននៅតែបដិសេធថាមិនមានការជាប់ពាក់ព័ន្ធករណីជួញដូរគ្រឿងញៀនដូច ការចោទប្រកាន់ពីកងកម្លាំងសមត្ថកិច្ចឡើយ។
ទោះបីជាមាន ការបដិសេធ ពីជនសង្ស័យយ៉ាងក្តីខាងសមត្ថកិច្ចនិងលោក ជាពេជ្រព្រះរាជអាជ្ញាអមសាលាដំបូងខេត្តបានអះអាងថា សមត្ថកិច្ចបានបើកការស៊ើបអង្កេតពាក់ព័ន្ធទៅលើព្រះចៅអធិការវត្តមួយ អង្គនេះជាច្រើនខែមកហើយដោយជាប់សង្ស័យថា ជួញដូរគ្រឿងញៀន។ក្រោយពីមានការស៊ើបអង្កេតចំណាយពេលជាយូរខែមកនោះ ទើបឈានដល់មានការឃាត់ខ្លួន។
នៅចំពោះមុខជនសង្ស័យនិង ព្រះរាជអាជ្ញាខេត្តស្ទឹងត្រែងសមត្ថកិច្ចបានធ្វើការពិសោធន៍បឋម រកឃើញថាសារធាតុញៀនដែលដកហូតបានមានទម្ងន់សរុប៩៣៦,៧ក្រាមបានពី ព្រះចៅអធិការវត្តមួយអង្គនៅក្រុងស្ទឹងត្រែងនោះគឺជាប្រភេទមេតំហ្វេ តាមីម្សៅពណ៌សICEឬហៅថាម៉ាទឹកកកពិតប្រាកដមែន។
នៅវេលា ល្ងាចថ្ងៃទី៨ខែកក្កដាឆ្នាំ២០១៦មន្ត្រីជំនាញនគរបាលការិយាល័យ ប្រឆាំងការជួញដូរគ្រឿងញៀនកំពុងបន្តសួរចម្លើយជនសង្ស័យពាក់ព័ន្ធ បទល្មើសជួញដូរថ្នាំញៀន ជិតមួយគីឡូក្រាម ដើម្បីកសាងសំណុំរឿងបញ្ជូនទៅកាន់តុលាការជាបន្តទៀត៕
ចំនួនអ្នកទស្សនា
- ថ្ងៃនេះ11861
- ម្សិលមិញ14181
- សប្តាហ៍នេះ11861
- ខែនេះ127011
- ឆ្នាំនេះ127011
- សរុប20569467