រថយន្តមិនស្គាល់អត្តសញ្ញាណមួយគ្រឿងបើកបុកបុរសម្នាក់បណ្ដាលឲ្យស្លាប់ភ្លាមៗនៅក្រុងបាត់ដំបង
14-July-2016 | ដោយ មែន កំសត់
បាត់ដំបង៖រថយន្តមិនស្គាល់អត្តសញ្ញាណ មួយគ្រឿងបានបើកបុកបុរសម្នាក់កំពុងដើរតាមបណ្តោយផ្លូវយ៉ាង ពេញទំហឹងបណ្ដាលឲ្យដងខ្លួនខ្ទេចខ្ទាំមើលស្ទើរមិនយល់ស្លាប់ភ្លាមនៅ កន្លែងកើតហេតុ។ករណីនោះបានកើតឡើងនៅតាមបណ្ដោយផ្លូវជាតិលេខ៥ចំណុច ក្រុម ១៩ស្ថិតក្នុងភូមិអណ្ដូងចេញសង្កាត់អូរចារក្រុងបាត់ដំបងកាលពីវេលា ទាបភ្លឺថ្ងៃទី១៤ខែកក្កដាឆ្នាំ២០១៦។
មន្ត្រីនគរបាលបានឲ្យ ដឹងថា ករណីគ្រោះថ្នាក់ចរាចរនេះបានបង្ករឡើងដោយរថយន្ដមិនស្គាល់ អត្តសញ្ញាណមួយគ្រឿងបានបើកក្នុងល្បឿនលឿនពីកើតទៅលិចតាមបណ្តោយ ផ្លូវជាតិលេខ៥។លុះមកដល់ចំណុចកើតហេតុរថយន្តនោះបានបុកជនរងគ្រោះដែល កំពុងដើរពីខាងក្រោយពេញទំហឹងបណ្តាលឲ្យខ្ទេចខ្ទីសាច់ស្លាប់ភ្លាម យ៉ាងអណោចអធ៌មនៅនិងកន្លែងកើតហេតុតែម្ដង។
មន្ត្រីដដែលបាន បន្តថាជនរងគ្រោះ ឈ្មោះ ចាន់ វែង ភេទប្រុសអាយុ៣៧ឆ្នាំ សព និងក្រុមគ្រួសាររស់នៅជាមួយលោក ប៉ោ វិចិត្រ ស្ថិតនៅភូមិហៃសាន ឃុំជ្រៃ ស្រុកថ្មគោល ខេត្តបាត់ដំបង។ក្រោយពេលកើតហេតុនគរបាលចរាចរណ៍បានចុះទៅដល់ កន្លែងកើតហេតុនិងជួយដឹកសពជនរងគ្រោះប្រគល់ឲ្យក្រុមគ្រួសារយកទៅ ធ្វើបុណ្យតាមប្រពៃណី។ចំណែករថយន្តបង្ករមិនស្គាល់ម៉ាករត់គេចបាត់ សមត្ថកិច្ចកំពុងធ្វើការស្រាវជ្រាវរកដើម្បីយកមកកសាងសំណុំរឿងទៅតាម ផ្លូវច្បាប់៕
ចំនួនអ្នកទស្សនា
- ថ្ងៃនេះ3871
- ម្សិលមិញ12101
- សប្តាហ៍នេះ15981
- ខែនេះ131131
- ឆ្នាំនេះ131131
- សរុប20573587