ប្អូនថ្លៃសម្លាប់បងថ្លៃនៅខេត្តព្រះវិហារត្រូវសមត្ថកិច្ចឃាត់ខ្លួនបាននៅខេត្តស្ទឹងត្រែង
17-July-2016 | ដោយ មែន កំសត់
ស្ទឹងត្រែង៖ជនដៃដល់បាញ់សម្លាប់បងថ្លៃ នៅភូមិស្វាយឃុំរំដោះស្រុកជាំក្សាន្តខេត្តព្រះវិហារត្រូវកម្លាំង សមត្ថកិច្ចនគរបាលស្រុកសៀមប៉ាងខេត្តស្ទឹងត្រែងឃាត់ខ្លួនបានកាលពី ថ្ងៃទី១៥កក្តដាហើយបានបញ្ជូនឱ្យនគរបាលខេត្តព្រះវិហារវិញនៅថ្ងៃទី ១៦ខែកក្តដាឆ្នាំ២០១៦នេះ។
តាមការឱ្យដឹងពីលោកញ៉ែមសុភាព អធិការរងទទួលបន្ទុកព្រហ្មទណ្ឌស្រុកជាំក្សាន្តខេត្តព្រះវិហារបាន ប្រាប់រស្មីកម្ពុជាតាមទូរស័ព្ទនៅថ្ងៃទី១៦កក្តដាឆ្នាំ្ន២០១៦ថា កាលពីយប់ថ្ងៃទី១០ខែកក្តដាឆ្នាំ២០១៦នៅភូមិស្វាយឃុំរំដោះស្រុក ជាំក្សាន្តមានអំពើឃាតកម្មកើតឡើង។
លោកអធិការរងនគរបាលស្រុកជាំ ក្សាន្តបានប្រាប់ថាករណីបាញ់សម្លាប់ជនរងគ្រោះឈ្មោះសៅសឿតភេទប្រុស អាយុ៤២ឆ្នាំ។ជនដៃដល់ឈ្មោះតឿនតុំភេទប្រុសអាយុ៣៦ឆ្នាំត្រូវជា ប្អូនថ្លៃ។អំពើឃាតកម្មនោះកើតឡើងបណ្តាលមកពីជនដៃដល់បាននិយាយបង្អាប់ ជនរងគ្រោះដែលជាបងថ្លៃថាមិនចេះអក្សរ។ហើយគ្រាដែលនិយាយបង្អាប់នោះ នៅក្នុងពេលផឹកស៊ីលើខ្ទមស្រែមួយកន្លែងដោយមានមនុស្សសរុបចំនួន៤ នាក់។
ជនល្មើសបានទាញកាំភ្លើងកែច្នៃដែលទុកនៅក្បែរខ្លួន បាញ់សម្លាប់ជនរងគ្រោះហើយអ្នកអង្គុយផឹកស៊ីជាមួយឃើញហេតុការណ៍នោះបាន នាំគ្នារត់យកតែប្រាស់អាយុ។
សមត្ថកិច្ចស្រុកជាំក្សាន្តបាន បញ្ជាក់ថាអ្នកនិយាយបង្អាប់គឺជាជនដៃដល់ត្រូវជាប្អូនថ្លៃដែលបាន បាញ់សម្លាប់បងថ្លៃខ្លួនឯង។អំពើឃាតកម្មនៅលើខ្ទមស្រែមួយមានចម្ងាយ ប្រមាណជា១៥គីឡូម៉ែត្រពីភូមិស្វាយឃុំរំដោះស្រុកជាំក្សាន្ត។ ក្រោយពីបាញ់រួចជនដៃដល់បានរត់គេចខ្លួនមករស់នៅឯខេត្តស្ទឹងត្រែង។ ប៉ុន្តែសមត្ថកិច្ចតាមរកទាល់តែឃើញ។
លោកវ៉ាសុផាន់អធិការនគរបាល ស្រុកសៀមប៉ាងខេត្តស្ទឹងត្រែងបានឱ្យដឹងផងដែរថាជនដៃដល់ក្រោយពី បាញ់សម្លាប់ជនរងគ្រោះរួចហើយបានទៅប្រាប់ប្រពន្ធជនរងគ្រោះថាប្តី ត្រូវលង់ទឹកស្លាប់។ជនដៃដល់បានរត់គេចខ្លួនកាត់ព្រៃមានរយៈពេលបី ថ្ងៃពីស្រុកជាំក្សាន្តកន្លែងកើតហេតុមកដល់ស្រុកឆែបខេត្តព្រះវិហារ រួចជិះរថយន្តឈ្នួលបន្តនៅថ្ងៃទី១៣ខែកក្តដាឆ្នាំ២០១៦មកលាក់ខ្លួន រស់នៅស្រុកសៀមប៉ាងខេត្តស្ទឹងត្រែង។
អធិការនគរបាលស្រុកសៀម ប៉ាងបានបញ្ជាក់ថាដោយមានការស្នើសុំពីខាងស្នងការរដ្ឋាននគរបាល ខេត្តព្រះវិហារសុំឱ្យនគរបាលខេត្តស្ទឹងត្រែងឃាត់ខ្លួនជនសង្ស័យ។ បន្ទាប់ពីទទួលបានដំណឹងនេះកម្លាំងនគរបាលស្រុកសៀមប៉ាងក្រោមបទបញ្ជា ពីស្នងការរដ្ឋាននគរបាលខេត្តស្ទឹងត្រែងលោកឧត្តមសេនីយ៏ត្រីម៉ៅ តារានោះមកក៏បានឃាត់ខ្លួនជនសង្ស័យពាក់ព័ន្ធអំពើឃាតកម្មដែលបានកើត ឡើងនៅខេត្តព្រះវិហារ។
ក្រោយពីចុះឃាត់ខ្លួនបានជនសង្ស័យ ដោយមានការអនុញ្ញាតពីលោកព្រះរាជអាជ្ញាអមសាលាដំបូងខេត្តស្ទឹងត្រែងនៅ ថ្ងៃទី១៦ខែកក្តដាឆ្នាំ២០១៦នេះកម្លាំងនគរបាលស្រុកសៀមប៉ាង បានប្រគល់ជនសង្ស័យទៅឱ្យខាងកម្លាំងនគរបាលខេត្តព្រះវិហារដើម្បី ចាត់ការបន្តតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ1761
- ម្សិលមិញ6261
- សប្តាហ៍នេះ20141
- ខែនេះ135291
- ឆ្នាំនេះ135291
- សរុប20577747