តាកែវ: នារីវ័យក្មេងម្នាក់មិនទាន់ស្គាល់អត្តសញ្ញាណ ត្រូវបានឃាតក កាប់ពីក្រោយរុញទម្លាក់ទឹក នៅតំបន់ទេសចរណ៍ទន្លេបាទី ស្ថិតក្នុងភូមិទន្លេរបាទី ឃុំក្រាំងធ្នង់ ស្រុកបាទី ខេត្តតាកែវ នាវេលាម៉ោង ១០:៣០នាទី ព្រឹកថ្ងៃទី២០ ខែកក្កដា ឆ្នាំ២០១៦នេះ ដោយមិនទាន់ដឹងមូលហេតុ។

លោក សែម សុជាតិ នាយការិយាល័យព្រហ្មទណ្ឌកម្រិតធ្ងន់ខេត្តតាកែវ បានបញ្ជាក់ថា នារីរងគ្រោះត្រូវបានគេកាប់ទម្លាក់ទឹក រួចហើយត្រូវបានគេស្រង់មកដាក់លើផ្ទះទឹកវិញ តែមិនទាន់ស្គាល់អត្តសញ្ញាណនៅឡើយទេ។

លោកបានបន្តទៀតថា នៅពេលនេះកម្លាំងនគរបាល បាននិងកំពុងចុះស្រាវជ្រាវលើករណីនេះហើយ។