ឃាតករចាក់សម្លាប់បុរសម្នាក់ហើយយកទម្លាក់ចោលវាលស្រែក្បែរភូមិសង្ស័យជាអំពើប្លន់
29-July-2016 | ដោយ មែន កំសត់
សៀមរាប៖ជនមិនស្គាល់មុខបានចាក់សម្លាប់បុរសម្នាក់ហើយដឹកសាកសព យកទៅទម្លាក់ចោលនៅវាលស្រែក្បែរភូមិនៃស្រុកស្វាយលើហើយត្រូវពលរដ្ឋ ប្រទះឃើញ។ករណីឃាតកម្មនេះសមត្ថកិច្ចបានដាក់ការសង្ស័យថាអាចជាអពើ ប្លន់។ហេតុការណ៍បង្កការភ្ញាក់ផ្អើលនេះបានត្រូវប្រជាពលរដ្ឋប្រទះឃើញ នៅវាលស្រែចម្ងាយប្រហែល២០០ម៉ែត្រពីផ្ទះអ្នកភូមិក្នុងភូមិឆេះចាន ឃុំស្វាយលើស្រុកស្វាយលើខេត្តសៀមរាបកាលពីថ្ងៃទី២៨ខែកក្ដដាឆ្នាំ ២០១៦។
សាកសពជនរងគ្រោះរហូតមកទល់ល្ងាចថ្ងៃដដែលនេះសមត្ថកិច្ចនៅ មិនទាន់ស្គាល់អត្តសញ្ញាណនៅឡើយទេដោយសាជនសង្ស័យមិនបន្សល់ទុកវត្ថុតាង ណាមួយ។
លោកវរសេនីយ៏ត្រីស៊ុនអេងអធិការនគរបាលស្រុក ស្វាយលើបានឲ្យដឹងថាបន្ទាប់ពីប្រជាពលរដ្ឋប្រទះឃើញសពនេះក៏បាន រាយការណ៍ទៅសមត្ថកិច្ចហើយកម្លាំងនគរបាលប៉ុស្តិ៍រដ្ឋបាលឃុំស្វាយលើ បានចុះទៅដល់កន្លែងកើតហេតុដោយបានហុំព័ទ្ធកន្លែងសពជនរងគ្រោះរង់ចាំ កម្លាំងការិយាល័យនគរបាលបច្ចេកទេសនៃស្នងការដ្ឋាននគរបាលខេត្តសៀមរាប ចុះទៅពិនិត្យ។
ឆ្លងកាត់ការពិនិត្យសមត្ថកិច្ចសន្និដ្ឋានថាករ ណីខាងលើនេះជាអំពើឃាតកម្មដែលផ្តើមចេញពីអំពើប្លន់យកទ្រព្យសម្បត្តិ ។ព្រោះនៅលើរូបរាងកាយជនរងគ្រោះមានស្លាកស្នាមចាក់និងកាំបិត( ចំពុះទុង)នៅផ្នែកខាងក្រោយទើបបណ្ដាលឲ្យស្លាប់។
សមត្ថកិច្ច បានបន្តថាសាកសពជនរងគ្រោះរហូតមកទល់ល្ងាចថ្ងៃដដែលនេះសមត្ថកិច្ចនៅ មិនទាន់ស្គាល់អត្តសញ្ញាណនៅឡើយទេដោយសាជនសង្ស័យមិនបន្សល់ទុកវត្ថុតាង ណាមួយឲ្យសមត្ថកិច្ចស្គាល់អត្តសញ្ញាណជនរងគ្រោះនោះទេ។
លោក បន្តថាសពជនរងគ្រោះស្លៀកខោរខូបោយ ជើងវែង ពាក់អាវការ៉ូល្អិត ពណ៌ប្រផេះ ហើយមានរុំស្បៃម៉ុងពណ៌ខៀវ។ សពជនរងគ្រោះមានអាយុប្រហែលជាង២០ឆ្នាំ ហើយអាចត្រូវបានជនល្មើសចាក់សម្លាប់ប្លន់យករបស់អ្វីមួយរួចយកសពទៅ ទំលាក់ចោលឯវាលស្រែនាអំឡុង ជិតភ្លឺថ្ងៃកើតហេតុ។
លោកអធិការ បញ្ជាក់ថាទោះបីជាករណីនេះជនដៃដល់បានរត់គេចខ្លួនតែសមត្ថកិច្ចកំពុង ដុតដៃដុតជើងតាមស្វែងរកចាប់ខ្លួនជននោះមកផ្តន្ទាទោសទៅតាមច្បាប់។ បច្ចុប្បន្នសពត្រូវបានយកទៅរក្សាទុកនៅវត្តត្រាងស្ថិតក្នុងស្រុក ស្វាយលើរង់ចាំក្រុមគ្រួសារឬសាច់ញាតិមកទទូលយកទៅធ្វើបុណ្យ តែប្រសិនបើផ្សព្វផ្សាយហើយនៅមិនមានសាច់ញាតិមកទទួលទេ អាចបញ្ចុះនៅវត្តខាងលើនេះ៕
ចំនួនអ្នកទស្សនា
- ថ្ងៃនេះ8091
- ម្សិលមិញ6261
- សប្តាហ៍នេះ26471
- ខែនេះ141621
- ឆ្នាំនេះ141621
- សរុប20584077