មេក្លោងងម្នាក់និងបក្ខពួកត្រូវបានសមត្ថកិច្ចឃាត់ខ្លួនពីបទដើរចាប់ដីរដ្ឋលក់ខុសច្បាប់
30-July-2016 | ដោយ មែន កំសត់
មណ្ឌលគិរី៖សមត្ថកិច្ចបានឃាត់ខ្លួនបុរសម្នាក់រួមជាមួយបក្ខពួក ចំនួន៤នាក់ទៀតបានក្លែងបន្លំឯកសារសាធារណៈនិងដើរចាប់ដីរដ្ឋលក់ ដោយខុសច្បាប់។ការចាប់ឃាត់ខ្លួននេះនៅចំណុចទឹកខួបក្នុងភូមិអូរអាម ឃុំស្រែខ្ទុមស្រុកកែវសីមាកាលពីកាលពីថ្ងៃទី២៩កក្កដា២០១៦។
លោក សូសុវណ្ណស្នងការរងនគរបាលខេត្តមណ្ឌលគិរីបានឪ្យដឹងថាការចុះ ឃាត់ខ្លួនជនសង្ស័យនេះគឺលោកបានដឹកនាំផ្ទាល់និងមានការសម្របសម្រួល ពីលោកសូសុវិទ្យាព្រះរាជអាជ្ញាររងអមសាលាដំបូងខេត្តមណ្ឌលគិរីបានចុះ ស្ទាក់ចាប់ជនសង្ស័យបាននៅចំណុចទឹកខួប ក្នុងភូមិអូរអាម ឃុំស្រែខ្ទុម។
លោកស្នងការរងបានបន្តថាជនសង្ស័យមានឈ្មោះ កែវវុទ្ធីអាយុ៣៣ឆ្នាំត្រូវបានឃាត់ខ្លួនរួមនឹងបក្ខពួកចំនួន៤នាក់ ទៀតគឺពួកគេជាមុខសញ្ញាចាស់ដែលធ្លាប់ជាប់ពន្ធនាគានៅ ខេត្តស្ទឹងត្រែងពាក់ព័ន្ធបញ្ហាដីធ្លីកាលពីពេលកន្លងទៅ។នៅពេលនេះឈ្មោះ កែវវុទ្ធីក៏ត្រូវចាប់ខ្លួនពីបទចេញឯកសារឆបោកប្រជាពលរដ្ឋជាច្រើន នាក់លើការទិញដូរដីរបស់រដ្ឋ នៅចំណុចព្រៃខៀវភូមិរវ៉ាក់ឃុំរយ៉ស្រុកកោះញែកខេត្តមណ្ឌលគិរី ។
សមត្ថកិច្ច បន្តថានៅពេលនេះជំនាញនៅមិនទាន់អាចប្រាប់ព័ត៌មានលម្អិតបានទេព្រោះ អាចនៅមានអ្នកជាប់ពាក់ព័ន្ធច្រើនទៀត។ដូច្នេះសូមឱ្យអ្នកព័ត៌មាន រង់ចាំនៅពេលសមត្ថកិច្ចស្រាវជ្រាវបានច្បាស់លាស់សិនដើម្បីកុំឲ្យមាន វាយស្មៅបង្អើលពស់។ប៉ុន្តែនៅអំឡុងពេលឃាត់ខ្លួនជនឈ្មោះកែវវុទ្ធី គេសង្កេតឃើញថាជននេះមានឯកសារដីធ្លីរាប់រយសន្លឹកជាប់តាមខ្លួន យ៉ាងណាដ៏ដោយយើងរង់ចាំទទួលព័ត៌មានបន្តពីសមត្ថកិច្ចដើម្បីផ្សាយ បន្ថែមនៅពេលក្រោយទៀត។
សូមបញ្ជាក់ផងដែរថាដីព្រៃរបស់រដ្ឋ រាប់ពាន់ហិកតាក្នុងស្រុកកោះញែកត្រូវបានកាប់បំផ្លាញយកជាកម្មសិទ្ធិ ផ្ទាល់ខ្លួនខណៈលេចឮពីភាពមិនប្រក្រតីថាករណីនេះមានជាប់ពាក់ព័ន្ធ។ ក្នុងនោះជាមួយអាជ្ញាធរមូលដ្ឋានក្នុងការឃុបឃិតគ្នាជាប្រព័ន្ធរវាង មេខ្យល់និងអ្នកគ្រប់គ្រងក្នុងតំបន់ដីព្រៃដែលកំពុងរងនូវ ការកាប់បំផ្លាញរាល់ថ្ងៃនេះស្ថិតនៅចំណុចព្រៃខៀវភូមិរវ៉ាក់ឃុំរយ៉ ស្រុកកោះញ៉ែកដែលរហូតមកដល់បច្ចុប្បន្ននេះបានក្លាយទៅជាវាលរហោឋាន មួយផ្នែកទៅហើយ ។
ប្រជាពលរដ្ឋឲ្យដឹងថាក្នុងរយៈពេលជាងមួយខែ មកហើយពួកគាត់តែងតែឃើញមានប្រជាជនចំណាកស្រុកមកពីខេត្តផ្សេងៗគ្នា ក្នុងមួយថ្ងៃៗមានពី១៥ទៅ២០នាក់បានជិះរថយន្ដនិងម៉ូតូមានភ្ជាប់ ដោយម៉ាស៊ីនអារឈើកាំបិតពូថៅគ្រប់ៗដៃចូលមកចំណុចខាងលើ។ពេល ឃើញបែបនេះពួកគាត់មានការងឿងឆ្ងល់ក៏សួរទៅបុរសម្នាក់ថាពួកបងមកនេះ ធ្វើអ្វីបុរសចំណាកស្រុកក៏ប្រាប់ថាមកកាប់ព្រៃដែលខ្ញុំទិញដីពី លោកកែវវុទ្ធី។
នៅក្នុងនោះដែរគេឃើញលោកកែវវុទ្ធីបាន ចាត់ចែងមនុស្សជំនិតក្រោមឱវាទរបស់ខ្លួនមានគ្នា៦នាក់ផ្សេងទៀត ដើម្បីឱ្យដើរវាស់វែងដីនិងកត់ឈ្មោះប្រមូលប្រាក់ពីប្រជាពលរដ្ឋមកពី ឆ្ងាយនោះដើម្បីទទួលបានចំណែកដីដែលសុទ្ធតែព្រៃស្រោងនិងព្រៃរបោះ សុទ្ធទាំងអស់ ៕
ចំនួនអ្នកទស្សនា
- ថ្ងៃនេះ10281
- ម្សិលមិញ6261
- សប្តាហ៍នេះ28661
- ខែនេះ143811
- ឆ្នាំនេះ143811
- សរុប20586267