សត្វផ្សោតញីមួយក្បាលត្រូវគេប្រទះឃើញងាប់អណ្តែតទឹកនៅច្រាំងទន្លេមិនដឹងមូលហេតុ
01-August-2016 | ដោយ មែន កំសត់
ក្រចេះ៖ប្រជាពលរដ្ឋប្រទះឃើញសត្វផ្សោតញីទន្លេមេគង្គក្នុង ខេត្តក្រចេះបានងាប់ជាថ្មីមួយក្បាលទៀតនៅច្រាំងទន្លេចំណុចភូមិបុស លាវឃុំថ្មបុសលាវស្រុកចិត្របុរីខេត្តក្រចេះកាលពីថ្ងៃទី៣១ខែកក្ដ ដាឆ្នាំ២០១៦។ករណីសត្វផ្សោតងាប់ក្នុងខេត្តក្រចេះមួយក្បាលទៀត នោះនៅពុំទាន់មានការបញ្ជាក់ពីជំនាញរដ្ឋបាលជលផលឬមន្ត្រីអភិរក្ស សត្វផ្សោតទន្លេមេគង្គនៅឡើយទេ។
តាមការអះអាងរបស់ប្រជាពលរដ្ឋ ដែលឃើញហេតុការណ៍បាននិយាយថាសត្វផ្សោតមួយក្បាលនេះមានប្រវែង ប្រមាណជាងមួយម៉ែត្រនិងមានទម្ងន់ជិត១០០គីឡូក្រាមស្ថិតក្នុងវ័យ បន្តពូជថែមទាំងមានកូនតូចមួយក្បាលងាប់អណ្ដែតនៅជិតនោះទៀតផង។ ប្រជាពលរដ្ឋបានសន្និដ្ឋានថាសត្វផ្សោតមួយក្បាលនេះអាចងាប់រយៈពេល ប្រហែលជិត២ថ្ងៃមកហើយ។ផ្សោតនោះបានអណ្ដែតតាមទឹកចុះមកក្រោមនៅ ទីតាំងដែលគេប្រទះឃើញនៅចំណុចខាងលើ។
ករណីនេះគេសង្ស័យ បណ្ដាលមកពីត្រូវខ្សែភ្លើងឆក់ឬមានជំងឺទើបបណ្ដាលឲ្យសត្វផ្សោតញី មួយក្បាលនេះងាប់បែបនេះ។ក្រោយពីពលរដ្ឋប្រទះឃើញបង្កឲ្យមានការ ភ្ញាក់ផ្អើលទើបគេឃើញវត្តមានរបស់មន្ត្រីអង្កការWWFមកនាំទៅ ទីស្នាក់ការរបស់ខ្លួនដើម្បីត្រួតពិនិត្យរកមូលហេតុ។
លោកឡោ គឹមសានមន្ត្រីអង្គការWWFខេត្តក្រចេះបានបញ្ជាក់ឲ្យដឹងថាការងាប់ សត្វផ្សោតនោះខាងជំនាញមិនទាន់ដឹងពីមូលហេតុនៅឡើយទេ។កម្លាំង របស់លោកកំពុងវេចខ្ចប់យកទៅស្នាក់ការរអង្គការWWFដើម្បីធ្វើការ ពិសោធន៍។ជំហ៊ានដំបូងលោកដាក់ការសង្ស័យថាផ្សោតមួយក្បាលនេះអាច ងាប់ដោយសាររលូតកូនព្រោះនៅជិតផ្សោតនោះមានកូនផ្សោតតូចមួយក្បាល បានងាប់នៅក្បែនោះដែរ។
ដូច្នេះទើបលោកសន្និដ្ឋានថាបណ្ដាលមកពីរលូតកូនព្រោះកូនផ្សោតនោះវានៅតូចណាស់គឺមិនទាន់គ្រប់ខែដែលត្រូវកើតនោះទេ៕
ចំនួនអ្នកទស្សនា
- ថ្ងៃនេះ10311
- ម្សិលមិញ6261
- សប្តាហ៍នេះ28691
- ខែនេះ143841
- ឆ្នាំនេះ143841
- សរុប20586297