​ខេត្តសៀមរាប​៖ នាយក សាខា គ្រឹះស្ថាន​មី ក្រូ​ហិរញ្ញវត្ថុ ប្រា​សាក់ ស្រុក​អង្គរ​ស្នួល ម្នាក់​ត្រូវបាន កម្លាំង​នគរបាល ព្រហ្មទណ្ឌ កំរិត​ស្រាល នៃ​ស្នងការ នគរបាល ខេត្តសៀមរាប ធ្វើការ ចាប់ខ្លួន តាម​អំណាច ដីកា របស់ តុលាការ ខេត្តកណ្ដាល​។ ជនសង្ស័យ ត្រូវបាន ចាប់​នៅ​ម្ដុំ​ជិត​វត្ត​ចក សង្កាត់​ស្វាយដង្គុំ ក្រុង​សៀមរាប ខេត្តសៀមរាប នៅ​ល្ងាច​មិញ ថ្ងៃទី​៤​ខែ សីហា​ឆ្នាំ​២០១៦​នេះ​។​

​ប្រភព បាន​ឲ្យ​ដឹងថា ជនសង្ស័យ មានឈ្មោះ​ឡុ​ច ចំរើន​ភេទ ប្រុស​អាយុ​៣៣​ឆ្នាំ មុខរបរ នាយក​សាខា ប្រា​សាក់ ស្រុក​អង្គស្នួល មាន​កន្លែង​កំណើត ភូមិ​ពាណិជ្ជកម្ម សង្កាត់​រកា​ធំ ក្រុង​ច្បារមន ខេត្តកំពង់ស្ពឺ និង​មាន ទីលំនៅ បច្ចុប្បន្ន ភូមិ​ថ្នល់ទទឹង ឃុំ​ដំណាក់​អំពិល ស្រុក​អង្គស្នួល ខេត្តកណ្ដាល​។ ពីបទ​(​រំលោភ លើ​ទំនុកចិត្ត​) ប្រព្រឹត្ត នៅ​ភូមិ​បែក​ចាន ឃុំ​បែក​ចាន ស្រុក​អង្គរ​ស្នួល ខេត្តកណ្ដាល កាលពី​ថ្ងៃទី ២៥​កុ​ម្ភះ ឆ្នាំ​២០១៦​។

​ប្រភព​បាន ឲ្យ​ដឹង​ទៀតថា ជនសង្ស័យ ក្រោយពី​ចាប់ខ្លួន កម្លាំង​នគរបាល បានធ្វើការ បញ្ជូនទៅ ខេត្តកណ្ដាល ភ្លាមៗ​ផងដែរ​។​យ៉ាងណា នៅ​មិនទាន់ ទទួលបាន ការបកស្រាយ បំភ្លឺ​ពី​តំណាង គ្រឹះស្ថាន​មីក្រូហិរញ្ញវត្ថុ នៅឡើយ​ទេ ជុំវិញ​ករណីនេះ​៕​