រវល់ថតរូបអត់មើលក្រោយធ្លាក់ពីលើប្រាសាទ
06-August-2016 | ដោយ មែន កំសត់
ខេត្តសៀមរាប ៖ ស្ត្រីជនជាតិចិនម្នាក់ បានរអិលជើងដួលពីលើប្រាសាទបាកាន បន្ទាប់ពីដើរថយក្រោយមិនប្រយ័ត្ន បណ្តាលឱ្យរបួសធ្ងន់ ហើយត្រូវបានប៉ូលិសបញ្ជូនទៅសង្គ្រោះនៅមន្ទីរពេទ្យនៃខេត្តសៀមរាប ។ ហេតុការណ៍នេះ កើតឡើងកាលពីវេលាម៉ោង០៩ និង១៥នាទីព្រឹកថ្ងៃទី០៤ សីហា ២០១៦ នៅក្នុងបរិវេណប្រាសាទអង្គរវត្ត ។
តាមប្រភពពីសមត្ថកិច្ចឱ្យដឹងថា ស្ត្រីរងគ្រោះដែលធ្លាក់ពីលើបាកានជាន់ទី៣នោះ ឈ្មោះ LI YUE ភេទស្រី អាយុ២៨ឆ្នាំ ជាជនជាតិចិន ខណៈដើរថយក្រោយ ដើម្បីថតរូបមិនប្រយ័ត្នក៏រអិលជើងធ្លាក់ពីលើបាកានកម្ពស់១,៣០ម៉ែត្រជាន់ទី៣ ខាងកើតឈាងខាងត្បូង នៅជាន់ខាងលើ នៃប្រាសាទអង្គរវត្ត បណ្ដាលឱ្យរងរបួសធ្ងន់ត្រង់ត្រចៀក និងក្បាលផ្នែកខាងក្រោយត្រង់ចង្កេះ និងក ផងដែរ ។
ប្រភពបន្តថា បន្ទាប់ពីភ្ញៀវបរទេសធ្លាក់ភ្លាមៗ ត្រូវបានភ្នាក់ងារអាជ្ញាធរជាតិអប្សរា មន្ត្រីនគរបាលការពារ បេតិកភណ្ឌ និងមន្ត្រីនគរបាលទេសចរណ៍សៀមរាប ដែលប្រចាំការនៅទីនោះជួយសង្គ្រោះ និងបញ្ជូនទៅមន្ទីរ ដើម្បីព្យាបាលរបួស ។ ប្រភពបន្ថែមថា ដោយសារតែរដូវនេះជារដូវវស្សា ហើយមានភ្លៀងធ្លាក់ រាល់ថ្ងៃផងនោះ បណ្តាលឱ្យតាមបរិវេណប្រាសាទនីមួយៗមានដក់ទឹកនឹងឡើងស្លែ ទើបធ្វើឱ្យភ្ញៀវជានជាតិចិននោះរអិល ពេលដើរជាន់លើចំកន្លែងដក់ទឹក ។
ចំនួនអ្នកទស្សនា
- ថ្ងៃនេះ2791
- ម្សិលមិញ11441
- សប្តាហ៍នេះ32621
- ខែនេះ147771
- ឆ្នាំនេះ147771
- សរុប20590227