ជិះម៉ូតូឌុបគ្នាពេលយប់ ក្នុងល្បឿនលឿន បានជ្រុលទៅបុកជាមួយរថយន្ត បណ្តាលឲ្យស្លាប់ពីរនាក់
07-August-2016 | ដោយ មែន កំសត់
ព្រះសីហនុ៖ គ្រោះថ្នាក់ចរាចរណ៍មួយ រវាងរថយន្តបុកគ្នា ជាមួយម៉ូតូ បណ្តាលឲ្យបុរសពីរនាក់ បានស្លាប់ភ្លាមនៅនឹងកន្លែង ។ ហេតុការណ៍នោះ បានកើតឡើងនៅលើផ្លូវជាតិលេខ៤ ត្រង់ចន្លោះ គីឡូម៉ែត្រ១១៣-១១៤ ស្ថិតនៅភូមិស្ទឹងច្រាល ឃុំអូរបាក់ រទេះស្រុកកំពង់សីលា ខេត្តព្រះសីហនុ កាលពីយប់ថ្ងៃ ទី៥ ខែសីហា ឆ្នាំ២០១៦ ។
មន្ត្រីកងរាជអាវុធហត្ថ ដែលចុះដល់កន្លែងកើតហេតុ បានឲ្យដឹងថា ករណីគ្រោះថ្នាក់ចរាចរណ៍ មួយនេះ កើតឡើងរវាងរថយន្តម៉ាក់សាំយ៉ុង ពណ៌ស ស្លាកលេខ ភ្នំពេញ ២ AF ៨៦០៤ បានបុកជាមួយម៉ូតូ ម៉ាកវេវ ពណ៌ក្រហម គ្មានស្លាកលេខ ជិះគ្នាពីរនាក់ បណ្តាលឲ្យស្លាប់ទាំងពីរនាក់ នៅនឹងកន្លែង ។
មន្ត្រីដដែលបានឲ្យដឹងទៀតថា ជនរងគ្រោះ ដែលស្លាប់នៅនឹងកន្លែង មានឈ្មោះ សុខ វ៉េត អាយុ១៩ឆ្នាំ មានទីលំនៅភូមិឃុំកើតហេតុ និងឈ្មោះភា អាយុ៣០ឆ្នាំ មានទីលំនៅភូមិ ឃុំជាមួយ ។
ក្រោយកើតហេតុភ្លាម អ្នកបើកបររថយន្តសាំយ៉ុង បានរត់គេចខ្លួនបាត់ ស្រមោល ។ បច្ចុប្បន្នសាកសព ត្រូវបានក្រុមគ្រួសារ យកទៅធ្វើបុណ្យ តាមប្រពៃណី ចំណែករថយន្ត និងម៉ូតូត្រូវបានយកទៅ អធិការដ្ឋាននគរបាល ស្រុកកំពង់សីលា សមត្ថកិច្ចបានតាមស្រាវជ្រាវរកអ្នកបើកបរ យកមកទទួលខុសត្រូវក្នុងករណីនេះ ៕
ចំនួនអ្នកទស្សនា
- ថ្ងៃនេះ3091
- ម្សិលមិញ11441
- សប្តាហ៍នេះ32921
- ខែនេះ148071
- ឆ្នាំនេះ148071
- សរុប20590527