រថយន្តជែងរថយន្តជ្រុលទៅបុកអ្នកជិះម៉ូតូស្លាប់ម្នាក់ភ្លាមនៅស្រុកអង្គស្នួល
08-August-2016 | ដោយ មែន កំសត់
កណ្តាល៖គ្រោះថ្នាក់ចរាចរណ៍បង្កពីរថយន្តម៉ាកកាមរីមួយគ្រឿងបានជែងរថយន្តនៅចំពោះមុខក៍ជ្រុលទៅបុកអ្នកជិះម៉ូតូបញ្ច្រាស់ទិសពេញទំហឹងបណ្តាលឲ្យអ្នកជិះម៉ូតូដួលស្លាប់ភា្លមនៅនឹងកន្លែង។ហេតុការណ៍បានកើតឡើងនៅលើកំណាត់ផ្លូវជាតិលេខ៤ត្រង់ចំណុច ភូមិកៅ ឃុំបែកចាន ស្រុកអង្គស្នួលខេត្តកណ្ដាលកាលពីល្ងាចថ្ងៃទី៧ ខែសីហា ឆ្នាំ២០១៦។
មន្ត្រីសមត្ថកិច្ចបានឲ្យដឹងថាបុរសរងគ្រោះបាត់បង់ជីវិត្តនោះឈ្មោះ អុល ផាត អាយុ២៤ឆ្នាំ មានទីលំនៅក្នុងភូមិព្រៃឈើទាល ឃុំសំរោងលើ ស្រុកអង្គស្នួល ខេត្តកណ្ដាល ជិះម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០១៤ ពណ៌ខ្មៅពាក់ស្លាកលេខ ភ្នំពេញ1CG-8803 ។ចំណែកអ្នកបើកបររថយន្តកាមរីបាឡែនមិនចាំស្លាកលេខគេមិនស្គាល់អត្តសញ្ញាណទេដោយក្រោយពីបង្កបានបើករត់គេចបាត់។
ប្រភពព័ត៌មានបានបានប្រាប់សមត្ថកិច្ចឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូមួយគ្រឿងខាងលើ ធ្វើដំណើរក្នុងទិសដៅ ពីកើតទៅលិច។ចំណែករថយន្តបង្កម៉ាកមកាមរីបាឡែនមិនចាំស្លាកលេខបើកបរក្នុងទិសដៅពីលិចទៅកើត។
លុះពេលទៅដល់ត្រង់ចំណុចកើតហេតុរថយន្តបានជែងបានរថយន្តមួយគ្រឿងនៅខាងមុខហើយក៏បានជ្រុលទៅបុកអ្នកជិះម៉ូតូពេញទំហឹងបណ្ដាលឲ្យដួលបោកទៅលើថ្នល់ ស្លាប់ភ្លាមៗនៅនឹងកន្លែង។ បន្ទាប់មករថយន្តនោះបានបើករត់គេច។ ក្រោយពេលកើតហេតុ កម្លាំងនគរបាលចរាចរណ៍ស្រុកអង្គស្នួល បានចុះទៅកាន់កន្លែងកើតហេតុ ប្រគល់សាកសពទៅឲ្យក្រុមគ្រួសារ នាំយកទៅធ្វើបុណ្យ៕
ចំនួនអ្នកទស្សនា
- ថ្ងៃនេះ3941
- ម្សិលមិញ11441
- សប្តាហ៍នេះ33771
- ខែនេះ148921
- ឆ្នាំនេះ148921
- សរុប20591377