ស្ត្រីម្នាក់លង់ទឹកស្លាប់ ពេលចម្លងគោឆ្លងព្រែក
08-August-2016 | ដោយ មែន កំសត់
កំពង់ឆ្នាំង៖ ស្ត្រីម្នាក់ជាអ្នកឃ្វាលគោ ត្រូវទឹកហូរកួចយកទៅបាត់ ក្នុងពេលដែលដេញគោឆ្លងទឹកស្ទឹង ពេលគោឆ្លងរួច នៅម្ចាស់ បណ្តាលអោយទឹកហូរ យកទៅលង់ស្លាប់យ៉ាងអណោចអធម្ម ។
ហេតុការណ៍នេះបានកើតឡើង នៅចំណុចព្រែកស្ទឹងសណ្តែក ឃុំកំពង់ហៅ ស្រុកកំពង់លែង ខេត្តកំពង់ឆ្នាំង កាលពីថ្ងៃទី៦ ខែសីហា ឆ្នាំ២០១៦ ។
សមត្ថកិច្ចនគរបាលស្រុកកំពង់លែងបានអោយដឹងថា សាកសពជនរងគ្រោះ មានឈ្មោះ ជុំ វណ្ណាក រស់នៅក្នុងភូមិត្រងិល ឃុំកំពង់ត្រងិល ស្រុកកំពង់លែង ។ ក្រុមគ្រួសារបានអោយដឹងថា ជារៀងរាល់ថ្ងៃ ស្ត្រីរូបនេះតែងនាំគោយកឃ្វាលជាប្រចាំ នៅតាមខ្នងកោះ ។ នៅថ្ងៃកើតហេតុជនរងគ្រោះ បានដឹកគោទៅឃ្វាលដូចរាល់ដង ប៉ុន្តែនៅពេលដែលគាត់យកគោទៅឃ្វាល ដល់មកដល់ព្រែកទឹកស្ទឹងសណ្តែក ស្ត្រីរូបនេះបានដេញគោ អោយឆ្លងផុតដល់ពេលគោឆ្លងផុត ក៍ស្រាប់តែនៅម្ចាស់ ។ ក្នុងពេលនោះទឹកកំពុងហូរយ៉ាងខ្លាំង បណ្តាលអោយស្ត្រីហែលឆ្លងអត់រួច ក៍ត្រូវទឹកហូរកួចយកទៅបាត់ ។
សមត្ថកិច្ចបានអោយដឹងទៀតថា សាកសពស្ត្រីរងគ្រោះ ត្រូវបងប្អូនសាច់ញាតិ រកឃើញកាលពីថ្ងៃទី៧ ខែសីហា ឆ្នាំ២០១៦។ សមត្ថកិច្ច បានអោយដឹងទៀតថា ក្នុងពេលពិនិត្យសាកសព សមត្ថកិច្ចបានរកឃើញថា ការស្លាប់របជនរងគ្រោះពិតជាស្លាប់ ដោយសារលង់ទឹកស្លាប់ពិតប្រាកដមែន និង បានប្រគល់សាកសពជូនទៅក្រុមគ្រួសារ សម្រាប់យកទៅធ្វើបុណ្យតាមប្រពៃណីតែម្តង ៕
ចំនួនអ្នកទស្សនា
- ថ្ងៃនេះ2441
- ម្សិលមិញ11441
- សប្តាហ៍នេះ32271
- ខែនេះ147421
- ឆ្នាំនេះ147421
- សរុប20589877