​ភ្នំពេញ​៖​កម្លាំង​គយ​ចល័ត​បាន​ចុះ​ចាប់​រថយន្ត​អត់​ពន្ធ​បាន​ចំនួន​៧​គ្រឿង​គឺជា​ប្រភេទ​រថយន្ត​ស៊េរី​ទំនើបៗ​នៅ​រាជធានី​ភ្នំពេញ​ក្នុង​រយៈពេល​១​ថ្ងៃ​ប៉ុណ្ណោះ​។​មន្ត្រី​គយ​ចល័ត ដែល​ដឹកនាំ​ការបង្ក្រាប​រថយន្ត​អត់​ពន្ធ បាន​ថា ត្រឹមតែ​រយៈពេល​១​ថ្ងៃ​គឺ​នៅ​ថ្ងៃទី​១១ ខែសីហា ឆ្នាំ​២០១៦ កម្លាំង​គយ​ចល័ត​ដឹកនាំ​ដោយ​លោក​ព្រាប​កា​រ៉ាត់​ចាប់បាន​រថយន្ត​សេរី​ទំនើបៗ​រហូត​ទៅដល់​៧​គ្រឿង​ជា​រថយន្ត​អត់​ពន្ធ​និង​បាន​ប្រើ​ស្លាក​លេខ​ក្លែងក្លាយ​នៅតាម​ទៅ​សាធារណៈ​និង​ទីតាំង​ខុសៗ​គ្នា នៅ​ទូទាំង​រាជធានី​ភ្នំពេញ​។​

​មន្ត្រី​គយ​ចល័ត​រូបនោះ បាន​បញ្ជាក់ថា រថយន្ត​ស៊េរី​ទំនើបៗ ដែល​ចាប់បាន​ទាំងអស់នេះ ប្រើប្រាស់​ស្លាក​លេខ​ក្លែងក្លាយ​ទាំងអស់ ដោយ​រួមមាន​ម៉ាក Sienna Gray, Mecedez , Camry, Lexus, Cadillac SRX, BMW ដូចជា​៖១៖ ម៉ាក Mecedez S550 Black 012 ចាប់បាន​នៅ​បុរី​មហាសេដ្ឋី សង្កាត់​ទួល​សង្កែ ខណ្ឌឫស្សីកែវ​២៖ ម៉ាក BMW 07 White ចាប់បាន​នៅ​បុរី​មហាសេដ្ឋី សង្កាត់​ទួល​សង្កែ ខណ្ឌឫស្សីកែវ​៣៖ ម៉ាក Sienna Gray 012 ចាប់បាន​នៅ​បូរី​ពិភពថ្មី សង្កាត់​ទួល​សង្កែ ខណ្ឌឫស្សីកែវ​
៤៖ ម៉ាក Lexus 570 Black 012 ចាប់បាន​នៅ​សង្កាត់​ផ្សារ​ថ្មី​២ ខណ្ឌដូនពេញ​៥៖ ម៉ាក Lexus 570 white ចាប់បាន​នៅ​សង្កាត់​ទួល​ទំពូង​២ ខណ្ឌចំការមន​៦៖ ម៉ាក Cadillac SRX White 010 ចាប់បាន​នៅ​សង្កាត់​ទួល​ស្វាយព្រៃ ខណ្ឌចំការមន​
​និង​៧៖ ម៉ាក Camry Black 012 ចាប់បាន​នៅ​សង្កាត់​ទួល​ស្វាយព្រៃ ខណ្ឌចំការមន​៕