បេក្ខនារីម្នាក់ បានដួលសន្លប់ រហូតដាក់អុកស៊ីសែនអង្គុយប្រឡង នៅមណ្ឌលសកលវិទ្យាល័យបាត់ដំបង

23-August-2016 | ដោយ មែន កំសត់

 

ខេត្តបាត់ដំបង ៖ បេក្ខនារីម្នាក់បានដួលសន្លប់ ក្រោយមកក្រុមគ្រួពេទ្យបានជួយសង្គ្រោះ ហើយបានដាក់ខ្យល់អុកស៊ីសែន ទើបអាចប្រឡងបានវិញនូវ មុខវិជ្ជារូបវិទ្យា នាព្រឹកថ្ងៃទី២៣ ខែសីហា ឆ្នាំ២០១៦នេះ នៅមណ្ឌល សកលវិទ្យាល័យ បាត់ដំបង។

Facebook អង្គភាពប្រឆាំងអំពើពុករលួយបានបញ្ជាក់ថា «សិស្សស្រីពូកែម្នាក់បានឈឺដួលសន្លាប់ និយាយមិនចេញបានត្រឹមសរសេរលើក្រដាសនូវពាក្យមួយមាត់ថា (ឈឺ) ហើយក៏សន្លប់ទៅ»។ អង្គភាពប្រឆាំងអំពើពុករលួយ បានបន្ថែមថា ក្រោយមកក្រុមគ្រូពេទ្យប្រឹងជួយអស់លទ្ធភាព រហូតចុងក្រោយ នាងអាចងើបឡើងធ្វើកិច្ចការវិញបានទាំងកំពុងដាក់អុកស៊ីសែន ហើយវិញ្ញាសារូបវិទ្យានេះ ហាក់បីដូចជាគ្មានបញ្ហាទេសម្រាប់នាង ព្រោះនាងមានទំនុកចិត្តខ្លាំងមែនទែន។

សូមបញ្ជាក់ថា នៅថ្ងៃទី២៣ ខែសីហា នេះគឺជាថ្ងៃទី២ នៃការប្រឡងសញ្ញាបត្រមធ្យមសិក្សាទុតិយភូមិ សម្រាប់ថ្នាក់វិទ្យាសាស្ដ្រ (ភាសាខ្មែរ និងរូបវិទ្យា) ចំណែកថ្នាក់វិទ្យាសាស្ដ្រសង្គម (គណិតវិជ្ជា និងសីលធម៌)៕

 

ចំនួនអ្នកទស្សនា

    20598957

  • ថ្ងៃនេះ11521
  • ម្សិលមិញ11441
  • សប្តាហ៍នេះ41351
  • ខែនេះ156501
  • ឆ្នាំនេះ156501
  • សរុប20598957