ខេត្តពោធិ៍សាត់ ៖ បុរសម្នាក់ខណៈអង្គុយមើលគេអារដើមរាជកុលនៅច្រាំងចំណោតត្រូវឈើរមៀលសង្កត់ស្លាប់នៅវេលាម៉ោង៧:១០នាទីព្រឹក ថ្ងៃទី២៦ ខែសីហា ឆ្នាំ២០១៦ត្រង់ចំណុចថ្មយ៉នស្ថិតក្នុងភូមិក្សេត្របូរីឃុំសន្ត្រែស្រុកភ្នំក្រវាញខេត្តពោធិ៍សាត់។ អធិការនគរបាលស្រុកភ្នំក្រវាញលោកវងសារ៉េតបានឲ្យដឹងថាជនរងគ្រោះឈ្មោះ ជឿន ចាប់ថាវ (ហៅបារាំង) ភេទប្រុស អាយុ២៣ឆ្នាំ រស់នៅភូមិវាលវង្សឃុំរកាតស្រុកភ្នំក្រវាញខេត្តពោធិ៍សាត់។

មុនពេលកើតហេតុជនរងគ្រោះបានទៅអង្គុយមើលគេអារដើមរាជកុលនៅចំណុចភូមិឃុំកើតហេតុខាងលើដោយអង្គុយក្រោមចំណោទខណៈដើមរាជកុលនោះបានអារដាច់ហើយរមៀលសង្កត់លើជនរងគ្រោះបណ្ដាលអោយស្លាប់ភ្លាមៗតែម្តង។ បច្ចុប្បន្នសាកសពជនរងគ្រោះត្រូវបានប្រគល់ជូន ក្រុមគ្រួសារយកទៅធ្វើបុណ្យតាមប្រពៃណី៕