បុរសចំណាស់ម្នាក់ជិះម៉ូតូបុកបង្កាន់ដៃស្ពាន ដួលស្លាប់ឯកូន និងចៅរងរបួស
29-August-2016 | ដោយ មែន កំសត់
កំពង់ចាម៖ គ្រោះថ្នាក់ចរាចរណ៍បង្ក ឡើងដោយអ្នកបើកបរ ជាបុរសចំណាស់ម្នាក់ បានជិះម៉ូតូ បុកបង្កាន់ដៃស្ពាន ដួលស្លាប់ខ្លួនឯង ចំណែកកូន និងចៅរងរបួស ។ ហេតុការណ៍បានកើតឡើង នៅលើផ្លូវជាតិលេខ៧ ចំណុច ស្ពានអូរដា ស្ថិតនៅក្នុង ភូមិឃ្លោយទី១ ឃុំមៀន ស្រុកព្រៃឈរ ខេត្តកំពង់ចាម កាលពីថ្ងៃទី២៨ ខែសីហា ឆ្នាំ២០១៦ ។
មន្ត្រីសមត្ថកិច្ចបានឲ្យដឹងថាមានករណី គ្រោះថ្នាក់ចរាចរណ៍មួយ បានកើតឡើងដោយ ឈ្មោះអ៊ឹម យឿន ភេទប្រុស អាយុ៥៥ឆ្នាំ មានទីលំនៅ ភូមិអន្លង់ស្នូក ឃុំអូរស្វាយ ស្រុកកំពង់សៀម ខេត្តកំពង់ចាម បានជិះម៉ូតូ ម៉ាកហុងដាវ៉េ វពណ៌ខ្មៅ គ្មានស្លាកលេខឌុបគ្នា ពីរនាក់ទី-ឈ្មោះ យឿនឌីម ភេទស្រី អាយុ៣០ឆ្នាំ ត្រូវជាកូនបង្កើត។ ឈ្មោះ ប៉ូ ស្រីណែត ភេទស្រី អាយុ៥ខែ ត្រូវជាចៅបង្កើត ហើយបានធ្វើដំណើរក្នុង ទិសដៅពីលិចទៅកើតដោយ ជនរងគ្រោះបានដឹកការ៉ុងមួយ ដាក់លើទូកម៉ូតូ។
ប្រភពបានបន្តថាលុះ ដល់ចំណុចកើតហេតុ ពេលបត់ បានកល់ចង្កូតម៉ូតូក៍រេ ទៅបុកបង្កាន់ដៃ ស្ពានដួល ដោយខ្លួនឯង បណ្តាលឲ្យស្លាប់ភ្លាមៗ តែម្ដង ។ ជនរងគ្រោះ ឈ្មោះ អ៊ឹម យឿន ជាអ្នកបើកបរម៉ូតូស្លាប់ នៅនឹងកន្លែងកើតហេតុ ដោយឡែកអ្នករួមដំណើរ បានរបួសស្រាលចំនួន០២នាក់ ម្ដាយ និងកូន ម៉ូតូខូចខាត១គ្រឿង លក្ខណ:ស្រាល៕
ចំនួនអ្នកទស្សនា
- ថ្ងៃនេះ14231
- ម្សិលមិញ11441
- សប្តាហ៍នេះ44061
- ខែនេះ159211
- ឆ្នាំនេះ159211
- សរុប20601667