ផ្ទុះកំហឹងជាមួយប្រពន្ធខ្លាំងយកពូថៅមកកាប់រហូតស្លាប់
30-August-2016 | ដោយ មែន កំសត់
ខេត្តតាកែវ ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវចាប់ខ្លួន បន្ទាប់ពីខឹងប្រពន្ធដេញចេញពីផ្ទះ ក៏ផ្ទុះកំហឹងខ្លាំងយកពូថៅមកកាប់រហូតស្លាប់ក្នុងថ្លុកឈាម កាលពីព្រឹកថ្ងៃទី២៩ សីហា ២០១៦ នេះ ស្ថិតនៅភូមិពោធិ៍ ឃុំខ្វាវ ស្រុកសំរោង ខេត្តតាកែវ ព្រោះតែនាងខឹង ជននោះតែងតែជក់ថ្នាំញៀន ។
ប្រភពឱ្យដឹងថា ជនសង្ស័យខាងលើឈ្មោះស្រ៊ុន ចាន់ឌី អាយុ៣១ឆ្នាំ រីឯស្ត្រីដែលស្លាប់ឈ្មោះភួន សុខហៃ អាយុ២១ឆ្នាំ (ជាប្រពន្ធអត់រៀបការ) មានទីលំនៅក្នុងភូមិកើតហេតុ ។
ប្រភពបន្តថា ជនសង្ស័យនិងស្ត្រីរងគ្រោះបានរួមរស់ជាមួយគ្នាដូចប្ដី-ប្រពន្ធ គ្រាន់តែមិនបានរៀបការ ។ លុះថ្ងៃកើតហេតុ ទាំង២នាក់ក៏មានទំនាស់យ៉ាងខ្លាំង ដោយស្ត្រីរងគ្រោះបានដេញប្តី (ជនដៃដល់) ចេញពីផ្ទះ ព្រោះនាងនិយាយមិនស្តាប់រឿងជក់ថ្នាំញៀន ស្រាប់តែត្រូវជននោះខឹងយកពូថៅទៅកាប់នាងរហូតស្លាប់តែម្តង ។
ក្រោយកើតហេតុ កម្លាំងនគរបាលក៏បានចុះទៅអន្តរាគមន៍ដោយចាប់ខ្លួនបានភ្លាមៗ ។
ចំនួនអ្នកទស្សនា
- ថ្ងៃនេះ14401
- ម្សិលមិញ11441
- សប្តាហ៍នេះ44231
- ខែនេះ159381
- ឆ្នាំនេះ159381
- សរុប20601837