ព្រះសង្ឃពុលចង្ហាន់នៅវត្តបារាយណ៍ ស្រុកស្រីសន្ធរ កើនឡើងចំនួន៣៧អង្គ និងសិស្ស២នាក់
30-August-2016 | ដោយ មែន កំសត់
កំពង់ចាម៖ គិតមកដល់ព្រឹក ថ្ងៃទី៣០ ខែសីហាឆ្នាំ២០១៦នេះករណីព្រះសង្ឃពុលចង្ហាន់នៅវត្តបារាយណ៍ស្រុកស្រីសន្ធរបានកើនឡើងចំនួន៣៧អង្គ ។ ហេតុការណ៍ខាងលើនេះបានកើតឡើង នៅថ្ងៃទី២៩ ខែសីហា ក្រោយពេល ដែលព្រះសង្ឃបានឆាន់ចង្ហាន់ថ្ងៃត្រង់ ។ តែករណីនេះមន្ត្រី ជំនាញសហការជាមួយមន្ត្រីសុខាភិបាល បាននិងកំពុងធ្វើការស្រាវជ្រាវរកមូលហេតុពិត ។
មន្ត្រីនគរបាលខេត្តកំពង់ចាម បានឲ្យដឹងថា ករណីព្រះសង្ឃពុលចង្ហាន់នៅវត្តបារាយណ៍ ស្រុកស្រីសន្ធរ កើនឡើងចំនួន៣៧អង្គ និងកូនសិស្សចំនួន២នាក់ផង ដែរ គិតមកដល់ព្រឹកថ្ងៃទី៣០ខែសីហាឆ្នាំ២០១៦នេះ ។ មន្ត្រីដដែលបានបន្តថានៅរវលាម៉ោង៤រសៀលថ្ងៃម្សិលមិញ មានករណីព្រះសង្ឃ ដែលគង់នៅក្នុងវត្តបារាយណ៍ បានចាប់ផ្តើមមានអាការៈរាគក្អួតចង្អោរ និងចុកពោះជាបន្តបន្ទាប់ ។ ពេលនោះ ត្រូវបានព្រះគ្រូចៅអធិការ ព្រះនាមហាក់ សំណាង បានផ្តល់ដំណឹងដល់ញោម របស់ព្រះសង្ឃ ដែលឈឺនិងបានអញ្ជើញគ្រូពេទ្យឃុំ ឲ្យមកពិនិត្យព្យាបាល ហើយកម្លាំងប៉ុស្តិ៍យើងក៏បានសហការណ៍ជាមួយ ក្រុមគ្រូពេទ្យនិងប្រជាពល រដ្ឋជាច្រើននាក់ ។
ប្រភពពីមន្ត្រីបានឲ្យដឹងទៀតថា ដោយសារជម្ងឺកាន់កាន់តែធ្ងន់ធ្ងរ ទើបលោកប្រធានមណ្ឌលសុខភាពបារាយណ៍បានរាយការណ៍ ជូនលោកហេង គឹមអ៊ាន ប្រធានមន្ទីរពេទ្យបង្អែក ស្រុកស្រីសន្ធរ ។ លោកប្រធានមន្ទីរពេទ្យស្រុក បានដឹកនាំកម្លាំងពេទ្យស្រុក ចុះមកពិនិត្យព្យាបាលដល់ព្រះសង្ឃដែល មានជំងឺជាបន្ទាន់ផងដែរ ។ បើគិតត្រឹមព្រឹកនេះ ព្រះសង្ឃពុលចង្ហាន់បន្ថែមចំនួន៩អង្គ និងកូនសិស្សម្នាក់ទៀត សរុបកើនទាំងអស់ដល់៣៧អង្គ ក្នុងចំណោមព្រះសង្ឃចំនួន៧៣អង្គ និងកូនសិស្សលោក២នាក់ផងដែរ ។
ចំពោះករណីនេះ លោកប្រធានមន្ទីរពេទ្យបង្អែកស្រុក និងប្រធានមណ្ឌលសុខភាពឃុំបារាយណ៍ បានចាត់វិធានការគ្រប់គ្រង់ស្ថានភាពនេះ ទាំងស្រុង ដោយមិនមានគ្រោះថ្នាក់ដល់អាយុជីវិតទេ៕
ចំនួនអ្នកទស្សនា
- ថ្ងៃនេះ16111
- ម្សិលមិញ11441
- សប្តាហ៍នេះ45941
- ខែនេះ161091
- ឆ្នាំនេះ161091
- សរុប20603547