ក្រឡាប់គោយន្តដឹកពីពង់សង្កត់អ្នកបើកបរស្លាប់នៅនឹងកន្លែង
01-September-2016 | ដោយ មែន កំសត់
កំពង់ឆ្នាំង៖បុរសអ្នកបើកបរគោយន្តម្នាក់បានស្លាប់ភ្លាមនៅនឹងកន្លែងកើតហេតុខណៈដែលគោយន្តកន្ត្រៃដឹកពីងពង់ហើយក្រឡាប់ធ្លាក់ប្រឡាយបុរសជាអ្នកបើកបររហូតដល់ដាច់ខ្យល់ស្លាប់។ហេតុការណ៍ក្រឡាប់គោយន្តនេះបានកើតឡើងនៅតាមភូមិសាអង ឃុំប្រស្និប ស្រុករលាប្អៀរ ខេត្តកំពង់ឆ្នាំងកាលពីថ្ងៃទី៣១ ខែសីហា ឆ្នាំ២០១៦ ។
សមត្ថកិច្ចបានអោយដឹងថា ជនរងគ្រោះក្នុងករណីក្រឡាប់គោយន្តនេះមានឈ្មោះឈ្មោះ ថនខាភេទប្រុសអាយុ២៧ឆ្នាំរស់នៅភូមិថ្លុកជ្រៅ ឃុំអញ្ជាញរូងស្រុកបរិបូរណ៌ខេត្តកំពង់ឆ្នាំង។ប្រជាពលរដ្ឋដែលឃើញហេតុការណ៍បានប្រាប់អោយដឹងថានៅមុនពេលកើតហេតុគោយន្តកន្ត្រៃមួយគ្រឿងដឹកដើមពីពង់ពេញមួយគោយន្តដោយធ្វើដំណើរចេញភូមិសាអងក្នុងទិសដៅពីត្បូងទៅជើងតាមផ្លូវលំដែលមានស្ថានភាពពិបាក។
ពេលមកដល់ចំណុចកើតហេតុក៍ស្រាប់តែគោយន្តក្រឡាប់បះជើងឡើងលើធ្លាក់ចូលទៅប្រឡាយ។ចំណែកឯជនរងគ្រោះដែលជាអ្នកបើកបរ បានខ្ទាតចូលស្នាមភ្លោះទឹកដក់ និង ត្រូវដើមពីពង់សង្កត់ពីលើ បណ្តាលអោយស្លាប់ភ្លាមៗនៅនឹងកន្លែងកើតហេតុតែម្តង ។ ក្រោយពេលកើតហេតុត្រូវបានទំនាក់ទំនងក្រុមគ្រួសារប្រគល់សាកសពយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ15871
- ម្សិលមិញ11441
- សប្តាហ៍នេះ45701
- ខែនេះ160851
- ឆ្នាំនេះ160851
- សរុប20603307