ចាប់ខ្លួនស្ត្រីម្នាក់ករណីចេញសែកអត់សាច់ប្រាក់ជាង២៤ម៉ឺនដុល្លារ
02-September-2016 | ដោយ មែន កំសត់
ភ្នំពេញ៖ ស្ត្រីម្នាក់ត្រូវបាននគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ចាប់ខ្លួនកាលពីព្រឹកថ្ងៃទី១ ខែកញ្ញា ឆ្នាំ២០១៦ នៅម្តុំផ្សារធំថ្មី ខណ្ឌដូនពេញ តាមដីការបស់សាលាឧទ្ធរណ៍ ។ ប្រភពព័ត៌មានបញ្ជាក់ថា ស្ត្រីរូបនេះពាក់ព័ន្ធករណីឆបោកនិងចេញសែកអត់សាច់ប្រាក់ជាង២៤ម៉ឺនដុល្លារអាមេរិក ។
ប្រភពព័ត៌មាន បញ្ជាក់ថា ស្ត្រីរូបនេះឈ្មោះ ស៊ុន ម៉ារា អាយុ៥៦ឆ្នាំ ត្រូវបានចាប់ខ្លួនតាមដីការបស់លោក ឃុន លាងម៉េង អនុប្រធានសាលាឧទ្ធរណ៍ ជាប់ចោទពីបទ " ឆបោកនិងមិនបំពេញកាតព្វកិច្ចចំពោះឧបករណ៍អាចជួញដូរបាន " ប្រព្រឹត្តនៅរាជធានីភ្នំពេញ កាលពីកំឡុងខែកុម្ភៈ ឆ្នាំ២០១៣ និង ថ្ងៃទី១៥ ខែមិថុនា ឆ្នាំ២០១៥។
នៅក្នងដីកាសាលាឧទ្ធរណ៍នេះ លោក ឃុន លាងម៉េង បង្គាប់មកភ្នាក់ងារមានសមត្ថកិច្ចឲ្យស្វែងរកចាប់ខ្លួននិងនាំខ្លួនឈ្មោះខាងលើនេះ ទៅឃុំខ្លួននៅមណ្ឌលអប់រំកែប្រែទី២ នៃក្រសួងមហាផ្ទៃ ៕
ចំនួនអ្នកទស្សនា
- ថ្ងៃនេះ15791
- ម្សិលមិញ11441
- សប្តាហ៍នេះ45621
- ខែនេះ160771
- ឆ្នាំនេះ160771
- សរុប20603227