ជនជាតិវៀតណាម ១៤នាក់ត្រូវនគរបាលឃាត់ខ្លួនពាក់ព័ន្ធរស់នៅគ្មានឯកសារត្រឹមត្រូវ
11-July-2017 | ដោយ ពល បញ្ញា
ភ្នំពេញ ៖ កម្លាំងការិយាល័យគ្រប់គ្រងជនបរទេស នៃស្នងការដ្ឋាននគរបាលរាជធានីភ្នំពេញសហការជាមួយនាយកដ្ឋានស៊ើបអង្កេត និងអនុវត្តនីតិវីធី នៃអគ្គនាយកដ្ឋាអន្តោប្រវេសន៍នៅថ្ងៃទី១១ ខែកក្កដា ឆ្នាំ២០១៧ វេលាម៉ោង៩និង១០នាទី អាជ្ញាធរមូលដ្ឋានខណ្ឌឫស្សីកែវ ដែលដឹកនាំដោយលោក សៀង សុខ ព្រះរាជអាជ្ញារងនៃអយ្យការរងអមសាលាដំបូងរាជធានីភ្នំពេញ បានចុះត្រួតពិនិត្យជនបររទេស ដែលលួចឆ្លងដែន និងកំពុងលួចស្នាក់នៅគ្មានលិខិតឆ្លងដែន និងធ្វើការងារគ្មានឯកសារត្រឹមត្រូវ នៅទីតាំងភូមិមិត្តភាព ក្រុម១៧ សិ្ថតនៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ត្រី អ៊ា ភក្តី នាយរងការិយាល័យគ្រប់គ្រងជនបរទេសបានឲ្យដឹងថាជាលទ្ធផលបានពិនិត្យឃើញជនបរទេសជា ជនជាតិវៀតណាមចំនួន១៤នាក់ ស្រីបីនាក់បានលួចស្នាក់នៅ និងរកស៊ីដោយខុសច្បាប់ គ្មានលិខិតឆ្លងដែន និងឯកសារត្រឹមត្រូវ ត្រូវបានបញ្ជូនទៅអគ្គនាយកដ្ឋានបន្តនីតិវិធី ៕
ចំនួនអ្នកទស្សនា
- ថ្ងៃនេះ15691
- ម្សិលមិញ11441
- សប្តាហ៍នេះ45521
- ខែនេះ160671
- ឆ្នាំនេះ160671
- សរុប20603127