ជនជាតិចិនបើករថយន្តទាំងស្រវឹងបុកចូលផ្ទះប្រជាពលរដ្ឋ ទាំងយប់
11-July-2017 | ដោយ ពល បញ្ញា
ព្រះសីហនុ ៖ មនុស្ស២នាក់បានរងរបួសស្រាលក្នុងករណីគ្រោះថ្នាក់ចរាចរណ៍កាលពីថ្ងៃទី១០ ខែកក្កដា ឆ្នាំ២០១៧ វេលាម៉ោង២២និង៥០នាទី ស្ថិតលើផ្លូវ ៧មករា ត្រង់ចំណុច ជិតភោជនីយដ្ឋានសួនសុបិន្ត ស្ថិតនៅក្នុងភូមិ៤ សង្កាត់លេខ៤ ក្រុង/ខេត្តព្រះសីហនុ។
នគរបាលចរាចរណ៍ខេត្តព្រះសីហនុ បានឲ្យដឹងថាមុនពេលកើតហេតុមានរថយន្តមួយគ្រឿងម៉ាក LEXUS RX300 ពណ៌ខ្មៅ បើកបរដោយ ជនជាតិចិន ឈ្មោះ លី សៀវម៉ីង ភេទ ប្រុស អាយុ២៥ឆ្នាំ មុខរបរ បុគ្គលិកកាស៊ីណូលើភ្នំ (មានកម្រិតជាតិអាល់កុល 0,60mlg\L) ចេញពីផឹកស៊ីនៅខារ៉ាអូខេ នគរសំរិទ្ធ លុះដល់ចំណុចខាងលើក៏បានបុកចូលផ្ទះប្រជាពលរដ្ឋ ខូចខាតម៉ូតូចំនួន ៩គ្រឿង, រថយន្ត មួយគ្រឿង និងសម្ភារៈមួយចំនួនទៀត ។
គ្រោះថ្នាក់នេះបណ្ដាលឲ្យរងរបួសស្រាលមនុស្សចំនួន ២នាក់ បានបញ្ជូនទៅសម្រាកព្យាបាលនៅគ្លីនិកចាក់អង្រែ។ ចំណែកអ្នកបើកបររថយន្ត សមត្ថកិច្ចជំនាញបាននាំខ្លួនមកសាកសួរនៅការិយាល័យនគរបាលចរាចរណ៍ផ្លូវគោក។ រីឯវត្ថុតាងសមត្ថកិច្ចជំនាញកំពុងចាត់ចែងកត់ទុកតាមនីតិវិធី ៕
ចំនួនអ្នកទស្សនា
- ថ្ងៃនេះ15991
- ម្សិលមិញ11441
- សប្តាហ៍នេះ45821
- ខែនេះ160971
- ឆ្នាំនេះ160971
- សរុប20603427