ម៉ូតូ២គ្រឿងបុកគ្នាដួលទៅបុករថយន្តដឹកទំនិញបណ្តាលស្លាប់ម្នាក់និងកន្លែងម្នាក់របួសធ្ងន់ក្រុងសិរីសោភ័ណ
11-July-2017 | ដោយ ពល បញ្ញា
បន្ទាយមានជ័យ ៖ ម៉ូតូ២គ្រឿងបុកគ្នាដួលទៅបុករថយន្តដឹកទំនិញបណ្តាលស្លាប់ម្នាក់និងកន្លែងម្នាក់របួសធ្ងន់ដែលកើតឡើងនៅវេលាម៉ោង៦និង១០នាទីល្ងាចថ្ងៃទី១០ ខែកក្តដា ឆ្នាំ២០១៧នៅតាមបណ្តោយផ្លូវលេខ៥៦ មុខផ្សារថ្មីស្ថិតភូមិពីរ សង្កាត់កំពង់ស្វាយ ក្រុងសិរីសោភ័ណ។
មន្ត្រីនគរបាលចរាចរណ៍ក្រុងសិរីសោភ័ណបានប្រាប់ថា ជនរងគ្រោះដែលស្លាប់នឹងកន្លែងមានឈ្មោះ សម្បត្តិ ថាវី ភេទប្រុស អាយុ១៨ឆ្នាំ(ជាសិស្ស) រស់នៅភូមិ២ សង្កាត់កំពង់ស្វាយ ក្រុងសិរីសោភ័ណនិងជនរងគ្រោះដែលរបួសប្រអប់ជើងឆ្វេងធ្ងន់ឈ្មោះ រឿន យៀប ភេទប្រុស អាយុ៣២ឆ្នាំ រស់នៅភូមិពង្រ សង្កាត់កំពង់ស្វាយក្រុងសិរីសោភ័ណ។
មន្ត្រីនគរបាលរូបនោះបានបន្តថា នៅពេលគ្រោះថ្នាក់ចរាចរណ៍កើតឡើងគឺជនរងគ្រោះឈ្មោះ សម្បត្តិ ថាវី (ជាសិស្ស)បានជិះម៉ូតូម៉ាក់MSX ពាក់ស្លាក់លេខបន្ទាយមានជ័យ1Q-6567 បើកបរទិសដៅពីជើងទៅត្បូងក្នុងល្បឿនលឿនបានទៅបុកម៉ូតូម៉ាក់ហុងដាពាក់ស្លាក់លេខបន្ទាយមានជ័យ1L-3435 បើកបដោយឈ្មោះ រឿន យៀប បណ្តាលរបួសប្រអប់ជើងឆ្វេងធ្ងន់។
ហើយជនរងគ្រោះឈ្មោះ សម្បត្តិ ថាវី បានរេចង្កូតទៅបុកពីក្រោយរថយន្តម៉ាក់ហ៊ីយ៉ាន់ដាយពាក់ស្លាក់លេខបន្ទាយមានជ័យ3A-1052 ពីក្រោយពេញទំហឹងបណ្តាលដួលបោកក្បាលទៅផ្លូវស្លាប់និងកន្លែងនិងបណ្តាលឈ្មោះ រឿន យៀប របួសធ្ងន់ត្រូវបានសង្គ្រោះបន្ទាន់ក្រោយពេលបុកភ្លាមៗអ្នកបើករថយន្តបានរត់គេចខ្លួនតែគេបានស្គាល់អ្នករស់នៅក្រុងសិរីសោភ័ណ។
មន្ត្រីនគរបាលរូបនោះបានបញ្ជាក់ថា ក្រោយពេលគ្រោះថ្នាក់ចរាចរណ៍កើតឡើងមន្ត្រីជំនាញចុះទៅពិនិត្យឃើញថាគ្រោះថ្នាក់កើតឡើងបង្កដោយជនរងគ្រោះឈ្មោះ សម្បត្តិ ថាវី បានបើកម៉ូតូលឿនទៅបុកម៉ូតូ១គ្រឿងទៀតហើយរេចង្កូតទៅបុកនិងរថយន្តពីក្រោយបណ្តាលស្លាប់ហើយអ្នកបើកបររថយន្តរត់គេចខ្លួនបាត់ស្រមោល។ក្រោយពេលវាស់វែងហើយបានយករថយន្តនិងម៉ូតូ២គ្រឿងដែលបង្កទៅរក្សាទុកនៅអធិការនគរបាលក្រុងសិរីសោភ័ណដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ15961
- ម្សិលមិញ11441
- សប្តាហ៍នេះ45791
- ខែនេះ160941
- ឆ្នាំនេះ160941
- សរុប20603397