ជនសង្ស័យបីនាក់ត្រូវបាននគរបាលឃាត់ខ្លួននិងថ្នាំញៀនមួយចំនួនធំ
12-July-2017 | ដោយ ពល បញ្ញា
ភ្នំពេញ ៖ កម្លាំងនគរបាលប៉ុស្តិ៍ព្រែកប្រា បានឃាត់ខ្លួនជនសង្ស័យបីនាក់ពាក់ព័ន្ធករណីជួញដូរដោយខុសច្បាប់នៅសារធាតុញៀនកាលថ្ងៃទី១១ ខែកក្កដា ឆ្នាំ២០១៧ វេលាម៉ោង២៣និង១០នាទី នៅមុខផ្ទះគ្មានលេខ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
លោកវរសេនីយ៍ត្រី ម៉ៅ សឿន អធិការរងនគរបាលខណ្ឌច្បារអំពៅបានឲ្យដឹងថាជនសង្ស័យទី១-ឈ្មោះប៉ែន ពិសិដ្ឋ ភេទប្រុស អាយុ២៨ឆ្នាំ ជាតិខ្មែរ មុខរបរមិនពិតប្រាកដ ស្នាក់នៅភូមិកោះនរា សង្កាត់និរោធ ខណ្ឌច្បារអំពៅ, ទី២-ឈ្មោះយ៉យ ង៉ាំ ភេទស្រី អាយុ២៧ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, និងទី៣-ឈ្មោះឡេ ធីអ៊ីម ភេទស្រី អាយុ២៨ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅភូមិព្រះពន្លា សង្កាត់ព្រែកប្រា ខណ្ឌច្បារអំពៅ ។
ដកហូតវត្ថុតាងរួមមានៈ ក្រាមពណ៌សថ្លា (សង្ស័យគ្រឿងញៀន) មួយកញ្ចប់ថង់ធំល្មម, ម៉ូតូមួយគ្រឿងម៉ាក C125 ពណ៌ខ្មៅពាក់ស្លាក លេខ ភ្នំពេញ1GL-8673។
បច្ចុប្បន្នជនសង្ស័យឃុំខ្លួនបណ្ណោះអាសន្ននៅអធិការដ្ឋាននគរបាលខណ្ឌច្បារអំពៅ ដើម្បីកសាងឯកសារចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ15711
- ម្សិលមិញ11441
- សប្តាហ៍នេះ45541
- ខែនេះ160691
- ឆ្នាំនេះ160691
- សរុប20603147