ឆក់បានសម្រេចតែគេច មិនរួចពីសំណាញ់សមត្ថកិច្ចពោធិសែនជ័យ
13-July-2017 | ដោយ ពល បញ្ញា
ភ្នំពេញ ៖ ជនសង្ស័យម្នាក់ជាចោរឆក់យ៉ាងសកម្មម្នាក់ត្រូវបានកម្លាំងប៉ុស្តិ៍កាកាបឃាត់ខ្លួនជាក់ស្តែងនៅថ្ងៃទី១៣ ខែកក្កដា ឆ្នាំ២០១៧វេលាម៉ោងប្រហែល១៣និង១០នាទី នៅចំនុចផ្ទះលេខ៧១ ផ្លូវបេតុង ក្រុមទី៣ ភូមិព្រៃសាលា សង្កាត់កាកាបទី២ ខណ្ឌពោធិសែនជ័យ។
លោកវរសេនីយ៍ឯក យឹម សារ៉ាន់ អធិការនគរបាលខណ្ឌពោធិសែណជ័យបានឲ្យដឹងថាជនសង្ស័យឈ្មោះ អ៊ិច ជីវ័ន្ត ភេទប្រុស អាយុ១៥ឆ្នាំ មុខរបរកម្មករសំណង់ ស្នាក់នៅផ្ទះជួលក្បែរវត្តសំរោងអណ្ដែត សង្កាត់ភ្នំពេញថ្មី ខណ្ឌសែនសុខ។ ចំណែកជនរងគ្រោះឈ្មោះ ឆេង ស្រីតូច ហៅស្រីនិច ភេទស្រី អាយុ១៩ឆ្នាំ មុខរបរលក់ដូរ ស្នាក់នៅ ផ្ទះលេខ៧១ ផ្លូវបេតុងភូមិ ព្រៃសាលា សង្កាត់កាកាបទី២ ខណ្ឌពោធិសែនជ័យ។
លោកអធិការបន្តថាមុនពេលកើតហេតុជនរងគ្រោះកំពុងដេកលក់ដោយដាក់កាបូបលុយនៅលើក្បាលដំណេក ពេលនោះជនសង្ស័យក៏ធ្វើសកម្មភាពចូលលួចយក កាបូបលុយរបស់ជនរងគ្រោះ ប៉ុន្តែត្រូវជនរងគ្រោះភ្ញាក់ទាន់ ក៏ស្រែកឆោឡោអោយអ្នកជិតខាងជួយចាប់ ស្របពេលនោះសមត្ថកិច្ចល្បាតនៅក្បែរនោះជួយអន្តរាគមន៏ ឃាត់ខ្លួនបានជនសង្ស័យយកមកប៉ុស្តិ៍ដើម្បីសួរនាំ។ ចំណែកកាបូបលុយបានប្រគល់ជូនជនរងគ្រោះវិញ។ បច្ចុប្បន្នជនសង្ស័យកំពុងឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌពោធិសែនជ័យ ដើម្បីកសាងសំណំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ15971
- ម្សិលមិញ11441
- សប្តាហ៍នេះ45801
- ខែនេះ160951
- ឆ្នាំនេះ160951
- សរុប20603407