ស្ត្រីម្នាក់ត្រូវរថយន្តម៉ាកហ៊ីយ៉ានដាយបុក ស្លាប់នៅហ្នឹងកន្លែងកើតហេតុខណៈពេលបត់ចូលផ្ទះមិនប្រយ័ត្ន
14-July-2017 | ដោយ ពល បញ្ញា
ពោធិសាត់ ៖ ស្ត្រីម្នាក់ត្រូវបានរថយន្តម៉ាកហ៊ីយ៉ាន់ដាយ បុកបណ្តាលឲ្យស្លាប់នៅហ្នឹងកន្លែងកើតហេតុ នៅវេលាម៉ោង៩និង១០នាទីព្រឹកថ្ងៃទី១៤ ខែកក្កដា ឆ្នាំ២០១៧ នៅលើចំណុចផ្លូវក្រាលគ្រួសក្រហមមួយខ្សែ ស្ថិតក្នុងភូមិបត់គគីរថ្មី ឃុំអូតាប៉ោង។
សមត្ថកិច្ចមូលដ្ឋានបានឲ្យដឹងថាជនរងគ្រោះ ឈ្មោះស៊ឹម ខុម ភេទស្រី អាយុ៥៦ឆ្នាំ រស់នៅភូមិបត់គគីថ្មី ឃុំអូតាប៉ោង ស្រុកបាកាន ខេត្តពោធិសាត់។
សមត្ថកិច្ចបន្តថាមុន ពេលកើតហតុជនរងគ្រោះឈ្មោះស៊ឹម ខុម បានជិះម៉ូតូម៉ាកហុងដាទ្រីម C125 សេរី២០១២ ពណ៌ខ្មៅពាក់ស្លាកលេខពោធិសាត់1D-3295 ធ្វើដំណើរពីមុខរថយន្តមកដល់ចំណុចខាងលើ ជនរងគ្រោះបានបត់ម៉ូតូចូលផ្ទះ ស្រាប់តែរថយន្តម៉ាកហ៊ីយ៉ានដាយ(បែន)ពាក់ស្លាកលេខភ្នំពេញ-០១៩១ធ្វើដំណើរពីត្បូងទៅជើងបានបុកយ៉ាងពេញទំហឹងបណ្តាលឲ្យជនរងគ្រោះស្លាប់ភ្លាមៗនៅហ្នឹងកន្លែង។
អ្នកបើកបររថយន្តមានឈ្មោះនឿន វ៉ិត ភេទប្រុសអាយុ២២ឆ្នាំ រស់នៅភូមិចំការខ្លុយ ឃុំអូតាប៉ោង ស្រុកបាកាន ខេត្តពោធិសាត់ បានរត់គេចខ្លួនបាត់ស្រមោល ដោយបន្សល់ទុករថយន្តបង្កនៅកន្លែងកើតហេតុ ប៉ុន្តែមានថៅកែរថយន្តចូលខ្លួនមកដោះស្រាយចំពោះករណីរឿងគ្រោះថ្នាក់នេះក្រោយពេលកើតហេតុសមត្ថកិច្ចយកមករក្សាទុកនៅអធិការដ្ឋាននគរបាលស្រុកបាកានដើម្បីកសាងសំណុំរឿងតាមនិតិវិធីច្បាប់ ចំពោះសាកសពសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ661
- ម្សិលមិញ16391
- សប្តាហ៍នេះ46891
- ខែនេះ162041
- ឆ្នាំនេះ162041
- សរុប20604497