ម៉ូតូបុកម៉ូតូបណ្តាលឲ្យស្លាប់ម្នាក់និងរបួសធ្ងន់ម្នាក់នៅក្រុងតាខ្មៅ
17-July-2017 | ដោយ ពល បញ្ញា
កណ្តាល ៖ គ្រោះថ្នាក់ចរាចរណ៍មួយបានកើតឡើងបណ្តាលឲ្យស្លាប់មនុស្សម្នាក់និងរបួសធ្ងន់ម្នាក់ កាលពីថ្ងៃទី១៦ ខែកក្កដា ឆ្នាំ២០១៧ វេលាម៉ោង១៧និង៤០នាទីត្រង់ចំណុចខាងមុខផ្ទះលោកណាង សុខ ឈីង លើផ្លូវជាតិលេខ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។
នគរបាលចរាចរណ៍ខេត្តកណ្តាលបានឲ្យដឹងថាមុនពេលកើតហេតុមានម៉ូតូមួយគ្រឿងម៉ាក HONDA DREAM C125 ផលិតឆ្នាំ២០១៧ ពណ៌ខ្មៅគ្មានស្លាកលេខ(ពាក់មួកសុវត្ថិភាពនិងគ្មានកញ្ចក់មើលក្រោយ)អ្នកបើកបរឈ្មោះ ឡាច ឡា ភេទប្រុស អាយុ៣៣ឆ្នាំ ភូមិព្រែកថ្មី សង្កាត់ព្រែកថ្មីខណ្ឌច្បារអំពៅ រាជធានីភ្នំពេញ រងរបួសធ្ងន់ត្រូវបានបងប្អូនដឹកបញ្ជូនទៅមន្ទីរពេទ្យដោយខ្លួនឯង បើកបរក្នុងទិសដៅពីជើងទៅត្បូងក៏បានបុកជាមួយម៉ូតមួយគ្រឿង ម៉ាកHONDA DREAM C125 ផលិតឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ1BE-3021 ពាក់មួកសុវត្ថិភាពនិងមានកញ្ចក់មើលក្រោយ អ្នកបើកបរឈ្មោះ ង៉ែត សុខ ហាក់ ភេទប្រុស អាយុ២៧ឆ្នាំ នៅភូមិកញ្ចិល ឃុំកំពង់រាប ស្រុកព្រៃកប្បាស់ ខេត្តតាកែវ ស្លាប់នៅកន្លែងកើតហេតុហើយត្រូវបានក្រុមគ្រួសារមកទទួលយកសាកសពទៅធ្វើបុណ្យតាមប្រពៃណីបើកបរម៉ូតូក្នុងទិសដៅពីត្បូងមកជើង។
សម្ភារៈខូចខាតម៉ូតូពីរគ្រឿង។ នគរបាលបន្តមូលហេតុដែលបណ្តាលឲ្យមានគ្រោះថ្នាក់គឺមកពីអ្នកបើកបរម៉ូតូHONDA DREAM C125 ផលិតឆ្នាំ២០១៧ គ្មានស្លាកលេខបើកបររំលោភចូលចំណែកផ្លូវរបស់ភាគីខាងម៉ូតូHONDA DREAM C125 ផលិតឆ្នាំ២០១២
ពាក់ស្លាកលេខភ្នំពេញ1BE-3021 ៕
ចំនួនអ្នកទស្សនា
- ថ្ងៃនេះ341
- ម្សិលមិញ16391
- សប្តាហ៍នេះ46571
- ខែនេះ161721
- ឆ្នាំនេះ161721
- សរុប20604177