នគរបាលស្រុកស្អាងចាប់ខ្លួនយុវជនម្នាក់ជាកម្មករលាងម៉ូតូដកហូតបានថ្នាំញៀន២កញ្ចប់
17-July-2017 | ដោយ ពល បញ្ញា
កណ្តាល ៖ យុវជនម្នាក់ជាកម្មករស៊ីឈ្នួលលាងម៉ូតូត្រូវបានសមត្ថកិច្ចនគរបាលស្រុកស្អាង សហការជាមួយនគរបាលប៉ុស្តិ៍រដ្ឋបាលព្រែកគយចាប់ខ្លួន កាលពីវេលាម៉ោង ១៩និង១០នាទី ថ្ងៃទី ១៦ ខែ កក្កដា ឆ្នាំ២០១៧ ត្រង់ចំណុចខាងមុខសាលាបឋមសិក្សាព្រែកគយ ស្ថិតក្នុងភូមិក្បាលជ្រោយ ឃុំព្រែកគយ ស្រុកស្អាង ដកហូតបានវត្ថុតាងថ្នាំញៀនប្រភេទមេតំហ្វេតាមីន ហៅម៉ាទឹកកកចំនួន០២កញ្ចប់ ដើម្បីកសាងសំណុំរឿងចាត់ការតាមច្បាប់ ។
មន្ត្រីនគរបាលប្រឆាំងគ្រឿងញៀនស្រុកស្អាងបានឲ្យដឹងថា ជនសង្ស័យដែលត្រូវបានចាប់ខ្លួននោះឈ្មោះ ធី ចាន់ដារ៉ា ហៅពិត ភេទប្រុស អាយុ១៨ឆ្នាំ ជនជាតិខ្មែរ មុខរបរ លាងម៉ូតូ មានទីលំនៅភូមិក្បាលជ្រោយ ឃុំព្រែកគយ ស្រុកស្អាង ។
ប្រភពដដែលបានបន្តថា ជនសង្ស័យជាមុខសញ្ញាប្រើប្រាស់គ្រឿងញៀនខុសច្បាប់ ដែលសមត្ថកិច្ចនគរបាលកំណត់នឹងតាមដាននាពេលកន្លងមក ។ លុះមកដល់ថ្ងៃទី១៦ ខែកក្កដា ឆ្នាំ២០១៧ សមត្ថកិច្ចនគរបាលទទួលបានព័ត៌មានថា ជនសង្ស័យមានរក្សាទុកគ្រឿងញៀននៅជាប់ខ្លួន ទើបសមត្ថកិច្ចនគរបាលស្រុកស្អាង សហការជាមួយនគរបាលប៉ុស្តិ៍រដ្ឋបាលព្រែកគយចាប់ខ្លួន ដើម្បីធ្វើការឆែកឆេរឈានដល់ធ្វើការដកហូតវត្ថុតាងថ្នាំញៀនប្រភេទមេតំហ្វេតាមីនចំនួន០២កញ្ចប់ ដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ791
- ម្សិលមិញ16391
- សប្តាហ៍នេះ47021
- ខែនេះ162171
- ឆ្នាំនេះ162171
- សរុប20604627