រថយន្តតួរីសដឹកផ្លែឈើបុករថយន្តធុនធំ ដែលខូចចតលើផ្លូវ បណ្ដាលឲ្យតៃកុងឡានតួរីសរងរបួសស្រាល
17-July-2017 | ដោយ ពល បញ្ញា
ព្រះសីហនុ ៖ បុរសម្នាក់បានរងរបួសស្រាលក្នុងករណីគ្រោះថ្នាក់ចរាចរណរវាងរថយន្តទួសរីសដឹកផ្លែឈើបុកជាមួយរថយន្តធុនធំ កាលពីថ្ងៃទី១៦ ខែកក្កដា ឆ្នាំ២០១៧ វេលាម៉ោង២៣និង៣០នាទីនៅផ្លូវជាតិលេខ៤ ចន្លោះគីឡូម៉ែត្រ១១៣-១១៤ ស្ថិតនៅភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។
លោកវរសេនីយ៍ទោ ហួត ចន្ធី អធិការនគរបាលស្រុកកំពង់សិលា បានបញ្ជាក់ថា នៅយប់នោះ មានភ្លៀងធ្លាក់ខ្លាំង ហើយរថយន្តធុនធំមួយគ្រឿងក្បាលអាមេរិកាំង បានខូចចតនៅលើផ្លូវ រួចក៏មានរថយន្តតួរីសដឹកផ្លែឈើមួយគ្រឿងមកពីស្រែអំបិល ទៅភ្នំពេញ បានបុកតែម្ដង។
គ្រោះថ្នាក់នេះបណ្ដាលឲ្យរងរបួសស្រាលមនុស្សចំនួនមួយនាក់ អ្នកបើកបររថយន្តដឹកផ្លែឈើ។ រីឯតៃកុងឡានធំ គេចខ្លួនបាត់។
ក្រោយកើតហេតុកម្លាំងជំនាញបានវាស់វែង យកមធ្យោបាយពាក់ព័ន្ធមករក្សាទុកនៅអធិការដ្ឋាននគរបាលស្រុកកំពង់សិលា ៕
ចំនួនអ្នកទស្សនា
- ថ្ងៃនេះ311
- ម្សិលមិញ16391
- សប្តាហ៍នេះ46541
- ខែនេះ161691
- ឆ្នាំនេះ161691
- សរុប20604147