លោកស្នងការនគរបាលខេត្តព្រះសីហនុ បើកកិច្ចប្រជុំពង្រឹងកម្លាំងរៀបរយអន្តរាគមន៍
18-July-2017 | ដោយ ពល បញ្ញា
ព្រះសីហនុ ៖ នៅព្រឹកថ្ងៃទី១៨ ខែកក្កដា ឆ្នាំ២០១៧ នេះ លោកឧត្តមសេនីយ៍ទោជួន ណារិន្ទស្នងការនគរបាលខេត្ត បានដឹកនាំកិច្ចប្រជុំ ផ្សព្វផ្សាយផែនការ ការពារសន្តិសុខសណ្តាប់សង្គម និង ពង្រឹងវិន័យ ដល់កងកម្លាំងរៀបរយ អន្តរាគមន៍ពិសេស របស់ស្នងការដ្ឋាននគរបាលខេត្តព្រះសីហនុ។
កងកម្លាំងរៀបរយ អន្តរាគមន៍ ត្រូវបានបង្កើតឡើង តាមស្មារតីអង្គប្រជុំរបស់គណៈស្នងការនគរបាលខេត្តដើម្បីត្រៀមធ្វើអន្តរាគមន៍ការពារសន្តិសុខ សណ្តាប់សាធារណៈថែរក្សាសុវត្ថិភាពក្នុងសង្គម និង ជួយធ្វើអន្តរាគមន៍សង្គ្រោះប្រជាពលរដ្ឋ ពេលមានគ្រោះអាសន្នផ្សេងៗ កើតឡើង។
លោកឧត្តមសេនីយ៍ស្នងការ បានលើកឡើង អំពីស្ថានភាព នយោបាយ សេដ្ឋកិច្ចរបស់ប្រទេសកម្ពុជាយើងបច្ចុប្បន្នកំពុងមានការរីកចម្រើន គ្រប់វិស័យ ទាំងទេសចរណ៍ ឧស្សាហកម្ម និងពាណិជ្ជកម្ម។ វិនិយោគិនបរទេសមានការជឿទុកចិត្ត វិស័យដឹកជញ្ជូន យើងមានជើងហោះហើរ ច្រើនជើង និង ច្រើនខ្សែ ធ្វើឲ្យភ្ញៀវទេសចរណ៍អន្តរជាតិមកទស្សនាកម្សាន្តច្រើន។
ទាំងអស់នេះ ក៏ដោយសារប្រទេសកម្ពុជា ទទួលបានសុខសន្តិភាព ពេញលេញ ក្រោមការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាល ផងដែរ។ អីចឹងហើយ យើងទាំងអស់ត្រូវរួមគ្នា ថែរក្សាសុខសន្តិភាព ឲ្យបានគង់វង្ស។
លោកស្នងការ បានរំលឹកដាស់តឿនឲ្យ កងកម្លាំងទាំងអស់ ត្រូវបង្កើនការប្រុងប្រយ័ត្នត្រៀមខ្លួនជានិច្ច ដើម្បីអនុវត្តតាមផែនការ និង បទបញ្ជា របស់ថ្នាក់លើ ហើយការស្លៀកពាក់ឲ្យគ្រប់ឯកសណ្ឋានត្រឹមត្រូវ ៕
ចំនួនអ្នកទស្សនា
- ថ្ងៃនេះ1251
- ម្សិលមិញ16391
- សប្តាហ៍នេះ47481
- ខែនេះ162631
- ឆ្នាំនេះ162631
- សរុប20605087