ជនសង្ស័យពីរនាក់ត្រូវនគរបាលឃាត់ខ្លួនតាមដីកាឲ្យចាប់ខ្លួន
18-July-2017 | ដោយ ពល បញ្ញា
សៀមរាប ៖ កម្លាំងផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប សហការជាមួយកម្លាំងប៉ុស្តិ៍នគរបាលរដ្ឋបាលសង្កាតជ្រាវ បានធ្វើការឃាត់ខ្លួនជនសង្ស័យចំនួនពីរនាក់ តាមដីកាបង្គាប់ឲ្យចាប់ខ្លួននៅព្រឹកថ្ងៃទី១៨ ខែកក្កដា ឆ្នាំ២០១៧ វេលាម៉ោង០៧និង៣០នាទី។
មន្ត្រីផ្នែកយុត្តិធម៌ខេត្តបានឲ្យដឹងថាជនសង្ស័យទី១-ឈ្មោះ ប្រុញ ប្រេម ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ននៅភូមិវាល សង្កាត់ជ្រាវ ក្រុង/ខេត្តសៀមរាប ចាប់តាមដីកាលេខ ២៩៤ ចុះថ្ងៃទី០៥/៨/២០១១ ចេញដោយ លោក អឿង វណ្ណា ចៅក្រមស៊ើបសួរនៃសាលាដំបូងខេត្តសៀមរាប ពីបទ ប៉ុនប៉ងមនុស្សឃាតដោយចេតនា ប្រព្រឹត្តនៅភូមិវាល សង្កាត់ជ្រាវ ក្រុង/ខេត្តសៀមរាប កាលពីថ្ងៃទី១១ ខែកញ្ញា ឆ្នាំ២០១០, ទី ២-ឈ្មោះ សយ សាលី ភេទប្រុស អាយុ២៨ឆ្នាំ ជនជាតិខ្មែរ មុខរបរជាងកាត់ដេរ ទីលំនៅបច្ចុប្បន្ននៅភូមិតាចេក សង្កាត់ជ្រាវ ក្រុង/ខេត្តសៀមរា ចាប់តាមដីកាលេខ ០០៦ ចុះថ្ងៃទី១៣/០១/២០១៥ ចេញដោយ លោក កូយ សៅ ចៅក្រមស៊ើបសួរនៃសាលាដំបូងខេត្តសៀមរាប ពីបទហិង្សាដោយចេតនា មានស្ថានទម្ងន់ទោស ប្រព្រឹត្តនៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប កាលពីថ្ងៃទី២៤ ខែមករា ឆ្នាំ២០១៤។
បច្ចុប្បន្ន ជនសង្ស័យទាំងពីរនាក់ ត្រូវបាន នគរបាលព្រហ្មទណ្ឌខេត្តសៀមរាប បញ្ជូនទៅតុលាកាដើម្បីចាត់ការតាមនិតិវិធីច្បាប់ និងដើម្បីរកយុត្តិធម៌ជូនជនរងគ្រោះ ៕
ចំនួនអ្នកទស្សនា
- ថ្ងៃនេះ1191
- ម្សិលមិញ16391
- សប្តាហ៍នេះ47421
- ខែនេះ162571
- ឆ្នាំនេះ162571
- សរុប20605027